Koronavirýsqa qarsy otandyq ekinshi vaktsinanyń klinkaǵa deiingi synaq nátijesi qashan belgili bolady? Bul saýalǵa QR Densaýlyq saqtaý ministri Aleksei Tsoi jaýap berdi, dep habarlaidy "Ult aqparat".
«Biologiialyq qaýipsizdik máseleleri jónindegi ǵylymi-zertteý institýty qazir birneshe vaktsina ázirlep jatyr. Olar synaqtyń túrli satysynda tur. Sýbbirlikti ekinshi vaktsina tiisti klinikaǵa deiingi kezeńnen ótti jáne klinikalyq synaq bastaldy. Nátije qorytyndysy boiynsha aqparat beremiz», - dedi ministr Ortalyq kommýnikatsiialar qyzmetindegi brifing barysynda.
Onyń atap ótýinshe, zertteý málimetteri qupiia sanalady. Tek habarlaýǵa bolatyn aqparat paida bolǵan kezde ǵana ministrlik ony jariia etedi.
«Barlyq vaktsina standartty jolmen júredi. Iaǵni, eriktiler klinikaǵa deiingi synaqtan ótedi. Odan soń kilinikalyq synaqtyń 1 ,2, 3 kezeńi bolady. Eger barlyǵy qaýipsizdikke sáikes kelse jáne tiimdi bolsa, onda vaktsina qoldanýǵa jiberiledi. Vaktsina qoldaný satysynda tórtinshi kezeńnen ótedi. Óitkeni, bul osyndai zańdy kezeń sanalady. Biz baǵalaýdyń aldyn ala nátijesin alǵannan keiin aqparat bolady», - dedi Aleksei Tsoi.
