Koronavirýsqa qarsy qazaqstandyq vaktsinany klinikalyq zertteý bastaldy, dep habarlaidy "Ult aqparat" Bilim jáne ǵylym ministrligine silteme jasap.
QR BǴM Ǵylym komitetiniń Biologiialyq qaýipsizdik problemalary ǵylymi-zertteý institýtynda ázirlengen koronavirýs infektsiiasyna qarsy QazCovid-in vaktsinasyn klinikalyq zertteý bastaldy.
«Vaktsinany klinikalyq zertteý 18-50 jas aralyǵyndaǵy deni saý eresek eriktiler arasynda júrgiziledi. Vaktsinanyń qaýipsizdigin anyqtaýǵa baǵyttalǵan zertteýdiń I fazasyna koronavirýspen aýyrmaǵan jáne antideneleri joq 44 erikti qatysady. Immýnogendilikti zertteýge baǵyttalǵan ekinshi fazada 200 eriktiniń qatysýy josparlanyp otyr» delingen habarlamada.
BQPǴZI-ǵa klinikalyq zertteýlerge qatysýǵa niet bildirgen eriktilerden 688 ótinish kelip túsken. Bilim jáne ǵylym vitse-ministri Miras Dáýlenov cenim bildirgenderge alǵys aitty.
Klinikalyq zertteýler QR Densaýlyq saqtaý ministrliginiń «Ulttyq ftiziopýlmonologiia ǵylymi ortalyǵy» RMK jáne «Sentre for Clinical Medicine and Research» JShS-de ótedi.
