Densaýlyq saqtaý ministri Eljan Birtanov koronavirýs infektsiiasynyń taralýyna jol bermeý maqsatynda qandai buqaralyq is-sharalar ótkizilmeitinin aityp berdi, dep habarlaidy "Ult aqparat".
«Koronavirýs infektsiiasynyń qaýpine bailanysty tiisti shekteý sharalary kúshine enip jatyr. Eń birinshi kezekte merekelik is-sharalar bolmaityn boldy. Baspasóz máslihattary men kóptegen saiys uiymdastyrylmaidy», - dedi Eljan Birtanov OKQ-da ótken baspasóz máslihatynda.
Ministrdiń aitýyna qaraǵanda, keibir sharalardyń ótpeitini kúni buryn belgili bolǵan.
«Ásirese sporttyq jáne mádeni sharalar. Keleshekte taǵy bir memleket koronavirýs qaýpi jaǵynan birinshi sanatqa engizilýi múmkin. Sol sebepti aldyn ala eskertemiz. Sapardy keiinge qaldyryp, eshqaida shyqpaǵan abzal. Aýrýǵa bailanysty jaǵdai kún saiyn ózgeriske ushyraityndyqtan ahýalǵa kúndelikti jańadan baǵa beriledi», - dedi ministr.
Dese de Eljan Birtanov ortalyq deńgeide qandai da bir sharalardy shektep, qoǵamdyq oryndardy jabý týraly buiryqtyń shyqpaǵanyn aitady.
«Ákimder nemese aimaqtardyń ózge de jaýapty adamdary qandai da bir sharalardy qabyldap, jariialaityndai tiisti jospar barshylyq. Óńir-óńirge bailanysty epidemiologiialyq ahýal da ártúrli. Máselen bir óńirde karantin engizýdiń qajettigi bolmasa, ekinshi óńirde halyqaralyq áýejai bolǵandyqtan onda táýekelder barshylyq. Sebebi ol jerge kún saiyn adamdar kelip-ketip jatady», - dedi spiker.
Ministr óz sózin mysalmen shegelei tústi.
«QHR-da kórgenimizdei, Hýbei provintsiiasynda ǵana karantin engizildi. Beijińde belgili bir shekteýler boldy. Qalǵan qalalar kádimgi kúndelikti tirligin jalǵastyra berdi. Ońtústik Koreia men Italiiada da jaǵdai sol. Bárine salmaqty qaraǵan abzal. Shyǵyn bolmastan jasqanýdyń reti joq. Karantinde jatqandardyń ishinde sportshylar da, biznesmender de, muǵalimder de bar. Bárine ereje ortaq», - dedi ministr.
