Bir apta ishinde koronavirýsqa shaldyqqandardyń 14 paiyzy indetti shet elderden juqtyryp kelgen. Bul týraly QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev aitty, dep habarlaidy QazAqparat.
«Bir apta ishinde tirkelgen koronavirýs juqtyrý jaǵdailarynyń 14 paiyzy - syrttan kelgen. Virýs negizinen Resei Federatsiiasynan kelip jatyr. Ózbekstan men Qyrǵyzstannan da azdaǵan derekter bar», - dedi ol «Densaýlyq ministrligi habarlaidy...» baǵdarlamasy barysynda.
Onyń atap ótýinshe, koronavirýsqa qatysty elimizdiń óńirleri 3 topqa bólingen. Birinshi topqa apta ishindegi virýs juqtyrý jaǵdaiynyń ósimi 7 paiyzdan asatyn óńirler kiredi. Olardyń qatarynda Aqmola, Aqtóbe, Qostanai, Túrkistan jáne Jambyl oblystary bar.
«Ekinshi topqa COVID-19 boiynsha epidemiologiialyq jaǵdai 7 paiyzdan kem óńirler kiredi. Olar: Almaty, Pavlodar, Soltústik Qazaqstan, Qaraǵandy oblystary, Nur-Sultan jáne Almaty qalalary. Bul óńirlerde 7 kúnniń ishinde 553 jaǵdai tirkeldi. Úshinshi top virýsqa shaldyǵý ósimi 5 paiyzdan aspaityn - Shyǵys Qazaqstan, Qyzylorda jáne Mańǵystaý oblystary kiredi», - dedi komitet basshysy.
