Almatydaǵy kardiologiia ortalyǵynda koronavirýs jáne júrek dertine shaldyqqan 2 myńǵa jýyq naýqas emdeldi. Bul týraly onlain brifing barysynda ortalyq direktory Almat Qodasbaev aitty, dep habarlaidy QazAqparat.
Almat Qodasbaevtyń aitýynsha, Almaty qalasynyń kardiologiialyq ortalyǵynda 260 tósek-oryn qaita jasaqtaldy, mekeme eki aidan beri infektsiialyq statsionar retinde jumys istep jatyr. Onda júrek-qan tamyrlary aýrýlary men koronavirýsqa shaldyqqan naýqastar emdeledi.
«Biyl Almaty kardiologiialyq ortalyǵy ekinshi ret birinshi eshelondy aýrýhanaǵa qaita profildendi. Infektsiialyq statsionarlarǵa deiin mekeme osy jyldyń naýryz jáne sáýir ailarynda jumys jasady. Bul jumys 24 shildede ekinshi ret qaita formattaldy. 500-ge jýyq dáriger men medbike táýlik boiy kómek kórsetedi»,- deidi ol.
Júrek ortalyǵy direktorynyń sózinshe, júrek tini koronavirýs aýrýy kezinde sezimtal bolady.
«Aýrýǵa eń sezimtal – júrek-qan tamyrlary aýrýlary, qant diabeti nemese semizdikpen aýyratyn adamdar. Olardyń aýrýy óte qiyn, mundai naýqastar uzaq emdelýdi qajet etedi. Biyl bizdiń kardiologiialyq ortalyqta 1 950 adam emdelip shyqty. Búgingi tańda tósek syiymdylyǵy 80%-dy quraidy. Naýqastardy emdeýde biz qazirgi zamanǵy jabdyqty qoldanamyz, koronarlyq angiografiiany júrgizemiz, ekstrakorporaldy membranalyq oksigenatsiia (EKMO) apparatyn qoldanamyz. Barlyq dárigerler Nur-Sultan qalasynyń kardiohirýrgiialyq ortalyǵynda oqyp keldi», - dedi Almat Qodasbaev.
Kardiologiialyq ortalyqta koronarlyq angiografiianyń kómegimen júrek tamyrlary zertteledi.
«EKMO apparaty gaz almasý fýnktsiiasyn oryndaidy. Biz bul qurylǵyny alty naýqasty qutqarý úshin qoldandyq. Qazirgi ýaqytta qurylǵyǵa eki adam qosylǵan. Bir naýqas №2 perzenthananyń jansaqtaý bóliminde jatyr, bizdiń dárigerler onyń jaǵdaiyn sol jerde baqylaidy», - dedi spiker.
Sonymen qatar, kardiologiialyq ortalyqtyń dárigerleri basqa infektsiialyq aýrýhanalarda aýyr naýqastarǵa keńes beredi. Qazirdiń ózinde 10 myńnan astam onlain keńes berildi.
«Bul aýrý júreginde syrqaty bar jandardy qaiǵyly jaǵdailarǵa ákelýi múmkin. Aýyr zardaptardyń aldyn alýdyń jalǵyz joly – koronavirýsqa qarsy vaktsinalaný. Vaktsina koronavirýs týdyratyn qan uiyǵyshtardyń aldyn alady. Covid-19 júrek-qan tamyr aýrýlarynyń asqynýyna ákeletini shyndyq. Júrektiń ishemiialyq, tromboemboliialyq dertti asqyndyryp, júrekti álsizdendiredi. Naýqastardyń bul toby óz ómirin qutqarý úshin mindetti túrde vaktsina týraly oilanýy kerek», - dedi Almat Qodasbaev.
