الماتىداعى كارديولوگييا ورتالىعىندا كوروناۆيرۋس جەنە جٷرەك دەرتٸنە شالدىققان 2 مىڭعا جۋىق ناۋقاس ەمدەلدٸ. بۇل تۋرالى ونلاين بريفينگ بارىسىندا ورتالىق ديرەكتورى المات قوداسباەۆ ايتتى, دەپ حابارلايدى قازاقپارات.
المات قوداسباەۆتىڭ ايتۋىنشا, الماتى قالاسىنىڭ كارديولوگييالىق ورتالىعىندا 260 تٶسەك-ورىن قايتا جاساقتالدى, مەكەمە ەكٸ ايدان بەرٸ ينفەكتسييالىق ستاتسيونار رەتٸندە جۇمىس ٸستەپ جاتىر. وندا جٷرەك-قان تامىرلارى اۋرۋلارى مەن كوروناۆيرۋسقا شالدىققان ناۋقاستار ەمدەلەدٸ.
«بيىل الماتى كارديولوگييالىق ورتالىعى ەكٸنشٸ رەت بٸرٸنشٸ ەشەلوندى اۋرۋحاناعا قايتا پروفيلدەندٸ. ينفەكتسييالىق ستاتسيونارلارعا دەيٸن مەكەمە وسى جىلدىڭ ناۋرىز جەنە سەۋٸر ايلارىندا جۇمىس جاسادى. بۇل جۇمىس 24 شٸلدەدە ەكٸنشٸ رەت قايتا فورماتتالدى. 500-گە جۋىق دەرٸگەر مەن مەدبيكە تەۋلٸك بويى كٶمەك كٶرسەتەدٸ»,- دەيدٸ ول.
جٷرەك ورتالىعى ديرەكتورىنىڭ سٶزٸنشە, جٷرەك تٸنٸ كوروناۆيرۋس اۋرۋى كەزٸندە سەزٸمتال بولادى.
«اۋرۋعا ەڭ سەزٸمتال – جٷرەك-قان تامىرلارى اۋرۋلارى, قانت ديابەتٸ نەمەسە سەمٸزدٸكپەن اۋىراتىن ادامدار. ولاردىڭ اۋرۋى ٶتە قيىن, مۇنداي ناۋقاستار ۇزاق ەمدەلۋدٸ قاجەت ەتەدٸ. بيىل بٸزدٸڭ كارديولوگييالىق ورتالىقتا 1 950 ادام ەمدەلٸپ شىقتى. بٷگٸنگٸ تاڭدا تٶسەك سىيىمدىلىعى 80%-دى قۇرايدى. ناۋقاستاردى ەمدەۋدە بٸز قازٸرگٸ زامانعى جابدىقتى قولدانامىز, كورونارلىق انگيوگرافييانى جٷرگٸزەمٸز, ەكستراكورپورالدى مەمبرانالىق وكسيگەناتسييا (ەكمو) اپپاراتىن قولدانامىز. بارلىق دەرٸگەرلەر نۇر-سۇلتان قالاسىنىڭ كارديوحيرۋرگييالىق ورتالىعىندا وقىپ كەلدٸ», - دەدٸ المات قوداسباەۆ.
كارديولوگييالىق ورتالىقتا كورونارلىق انگيوگرافييانىڭ كٶمەگٸمەن جٷرەك تامىرلارى زەرتتەلەدٸ.
«ەكمO اپپاراتى گاز الماسۋ فۋنكتسيياسىن ورىندايدى. بٸز بۇل قۇرىلعىنى التى ناۋقاستى قۇتقارۋ ٷشٸن قولداندىق. قازٸرگٸ ۋاقىتتا قۇرىلعىعا ەكٸ ادام قوسىلعان. بٸر ناۋقاس №2 پەرزەنتحانانىڭ جانساقتاۋ بٶلٸمٸندە جاتىر, بٸزدٸڭ دەرٸگەرلەر ونىڭ جاعدايىن سول جەردە باقىلايدى», - دەدٸ سپيكەر.
سونىمەن قاتار, كارديولوگييالىق ورتالىقتىڭ دەرٸگەرلەرٸ باسقا ينفەكتسييالىق اۋرۋحانالاردا اۋىر ناۋقاستارعا كەڭەس بەرەدٸ. قازٸردٸڭ ٶزٸندە 10 مىڭنان استام ونلاين كەڭەس بەرٸلدٸ.
«بۇل اۋرۋ جٷرەگٸندە سىرقاتى بار جانداردى قايعىلى جاعدايلارعا ەكەلۋٸ مٷمكٸن. اۋىر زارداپتاردىڭ الدىن الۋدىڭ جالعىز جولى – كوروناۆيرۋسقا قارسى ۆاكتسينالانۋ. ۆاكتسينا كوروناۆيرۋس تۋدىراتىن قان ۇيىعىشتاردىڭ الدىن الادى. Covid-19 جٷرەك-قان تامىر اۋرۋلارىنىڭ اسقىنۋىنا ەكەلەتٸنٸ شىندىق. جٷرەكتٸڭ يشەمييالىق, ترومبوەمبولييالىق دەرتتٸ اسقىندىرىپ, جٷرەكتٸ ەلسٸزدەندٸرەدٸ. ناۋقاستاردىڭ بۇل توبى ٶز ٶمٸرٸن قۇتقارۋ ٷشٸن مٸندەتتٸ تٷردە ۆاكتسينا تۋرالى ويلانۋى كەرەك», - دەدٸ المات قوداسباەۆ.
