Nur-Sultan qalasynyń Qoǵamdyq densaýlyq saqtaý basqarmasynyń basshysy Sáýle Qisyqova koronavirýs juqtyrǵan Qazaqstan azamaty týraly aityp berdi. Ol Varshavadan ushyp kelgen bolatyn, dep habarlaidy "Ult aqparat".
«Varshavadan kelgen naýqasty biz ózge elderden kelgen azamattarǵa monitoring júrgizip jatqan kezde anyqtadyq. Ol epidemiologiialyq turǵyda qaýipsiz sanalatyn Polshadan Varshava reisimen kelgenimen derekter jinaý protsesinde Germaniiada bolǵanyn aitty. Osy fakt boiynsha, sońǵy 14 kúnniń ishinde Germaniiada bolsa, biz qosymsha tekserý kerek dep sheshtik. Ony biz 12 naýryz kúni jatqyzǵanbyz. Keshe test nátijesine kúmánimiz boldy. Búgin qaitalap laborotoriialyq zertteý júrgizgende infektsiia bar degen nátije kórsetti», - dedi Sáýle Qisyqova OKQ-da ótken baspasóz máslihatynda.
Onyń aitýynsha, jalpy test nátijesin naqtylaýǵa shamamen 5-6 saǵat ketedi.
Eske sala ketsek, búgin Qazaqstanda taǵy eki adamnan koronavirýs anyqtaldy. Onyń bireýi Varshava-Nur-Sultan ushaǵymen ushyp kelgen. Qazirgi ýaqytta koronavirýs juqtyrǵan qazaqstandyqtar sany 6-ǵa jetti.
