نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا كوروناۆيرۋس جۇقتىرعان قازاقستان ازاماتى تۋرالى ايتىپ بەردٸ. ول ۆارشاۆادان ۇشىپ كەلگەن بولاتىن, دەپ حابارلايدى "ۇلت اقپارات".
«ۆارشاۆادان كەلگەن ناۋقاستى بٸز ٶزگە ەلدەردەن كەلگەن ازاماتتارعا مونيتورينگ جٷرگٸزٸپ جاتقان كەزدە انىقتادىق. ول ەپيدەميولوگييالىق تۇرعىدا قاۋٸپسٸز سانالاتىن پولشادان ۆارشاۆا رەيسٸمەن كەلگەنٸمەن دەرەكتەر جيناۋ پروتسەسٸندە گەرمانييادا بولعانىن ايتتى. وسى فاكت بويىنشا, سوڭعى 14 كٷننٸڭ ٸشٸندە گەرمانييادا بولسا, بٸز قوسىمشا تەكسەرۋ كەرەك دەپ شەشتٸك. ونى بٸز 12 ناۋرىز كٷنٸ جاتقىزعانبىز. كەشە تەست نەتيجەسٸنە كٷمەنٸمٸز بولدى. بٷگٸن قايتالاپ لابوروتورييالىق زەرتتەۋ جٷرگٸزگەندە ينفەكتسييا بار دەگەن نەتيجە كٶرسەتتٸ», - دەدٸ سەۋلە قيسىقوۆا وكق-دا ٶتكەن باسپاسٶز مەسليحاتىندا.
ونىڭ ايتۋىنشا, جالپى تەست نەتيجەسٸن ناقتىلاۋعا شامامەن 5-6 ساعات كەتەدٸ.
ەسكە سالا كەتسەك, بٷگٸن قازاقستاندا تاعى ەكٸ ادامنان كوروناۆيرۋس انىقتالدى. ونىڭ بٸرەۋٸ ۆارشاۆا-نۇر-سۇلتان ۇشاعىمەن ۇشىپ كەلگەن. قازٸرگٸ ۋاقىتتا كوروناۆيرۋس جۇقتىرعان قازاقستاندىقتار سانى 6-عا جەتتٸ.
