Koronavirýspen aýyrǵandardyń 20%-ynda aýrý belgileri uzaq ýaqyt boiy saqtalyp qalady. Bul týraly Ortalyq kommýnikatsiialar ortalyǵynda ótken «Virýstyq aýrýlardyń aldyn alý, immýnitetti nyǵaitý, postkovidti asqynýlar» týraly brifingte aityldy, dep habarlaidy QazAqparat.
«Jiti respiratorlyq virýstyq infektsiiasy – búgingi kúni eń keń taralyp otyrǵan juqpaly aýrýlardyń biri. Ony juqtyrmaýdyń aldyn alý týraly aitqan kezde áleýmettik qashyqtyqty saqtaý, meditsinalyq maska taǵý, qol gigienasyn saqtaý týraly jáne salaýatty ómir saltyn ustaný týraly aitamyz. Koronavirýstan belsendi túrde qorǵanyp júrgenimizdikten, biyl JRVI-diń epidemiologiialyq maýsymynda tumaý virýsynyń tsirkýliatsiiasy tómendedi. Bul – qoldanyp jatqan saqtyq sharalarynyń nátijesi deýge bolady», - deidi «Sanitariialyq-epidemiologiialyq saraptama jáne monitoring ǵylymi-praktikalyq ortalyǵy» filialy direktorynyń orynbasary Manar Smaǵul.
«Kardiologiia jáne ishki aýrýlar» ǴZI-diń ishki aýrýlar kafedrasynyń professory Sáýle Qasenova postkovidti asqyný týraly málimet aitty.
«Koronavirýspen aýyrǵandardyń 20%-ynda aýrý belgileri uzaq ýaqyt boiy saqtalyp qalady. Bul dertpen aýyryp, jazylyp ketkender bizden bul derttiń klinikalyq belgileri qashan ketetini týraly suraidy. Bizde naqty málimet joq, biraq Covid-19-ben aýyrǵandarda aýrý belgileri 2 aidan 2 jylǵa deiin saqtalyp qalady. Mysaly, koronavirýspen aýyrǵan adam uzaq ýaqyt boiy jótelip júre berýi múmkin nemese demikpe paida bolýy, álsizdik paida bolýy múmkin. osynyń saldarynan adam buryn kúndelikti istep júrgen áreketterin istei alýy qiyndai túsýi múmkin. Koronavirýspen aýyrǵan adamdardyń keibirinde únemi basy aýyryp, basy ainalyp júrse, endi biriniń júrek tusy, keýdesi aýyryp júrýi múmkin. tipti uiqyzy buzylyp, este saqtaý qabileti nasharlap ketetinderi de bar. Koronavirýstyń osyndai saldary men ońaltý joldar bar ekenin bilýimiz kerek. DDSU-nyń biyl 25 qańtarda shyqqan usynymy boiynsha, koronavirýspen aýyryp emdelgen adam óziniń dárigerimen telefon arqyly bailanysta bolyp turýy kerek», - deidi ol.
