كوروناۆيرۋسپەن اۋىرعانداردىڭ 20%-ىندا اۋرۋ بەلگٸلەرٸ ۇزاق ۋاقىت بويى ساقتالىپ قالادى. بۇل تۋرالى ورتالىق كوممۋنيكاتسييالار ورتالىعىندا ٶتكەن «ۆيرۋستىق اۋرۋلاردىڭ الدىن الۋ, يممۋنيتەتتٸ نىعايتۋ, پوستكوۆيدتٸ اسقىنۋلار» تۋرالى بريفينگتە ايتىلدى, دەپ حابارلايدى قازاقپارات.
«جٸتٸ رەسپيراتورلىق ۆيرۋستىق ينفەكتسيياسى – بٷگٸنگٸ كٷنٸ ەڭ كەڭ تارالىپ وتىرعان جۇقپالى اۋرۋلاردىڭ بٸرٸ. ونى جۇقتىرماۋدىڭ الدىن الۋ تۋرالى ايتقان كەزدە ەلەۋمەتتٸك قاشىقتىقتى ساقتاۋ, مەديتسينالىق ماسكا تاعۋ, قول گيگيەناسىن ساقتاۋ تۋرالى جەنە سالاۋاتتى ٶمٸر سالتىن ۇستانۋ تۋرالى ايتامىز. كوروناۆيرۋستان بەلسەندٸ تٷردە قورعانىپ جٷرگەنٸمٸزدٸكتەن, بيىل جرۆي-دٸڭ ەپيدەميولوگييالىق ماۋسىمىندا تۇماۋ ۆيرۋسىنىڭ تسيركۋلياتسيياسى تٶمەندەدٸ. بۇل – قولدانىپ جاتقان ساقتىق شارالارىنىڭ نەتيجەسٸ دەۋگە بولادى», - دەيدٸ «سانيتارييالىق-ەپيدەميولوگييالىق ساراپتاما جەنە مونيتورينگ عىلىمي-پراكتيكالىق ورتالىعى» فيليالى ديرەكتورىنىڭ ورىنباسارى مانار سماعۇل.
«كارديولوگييا جەنە ٸشكٸ اۋرۋلار» عزي-دٸڭ ٸشكٸ اۋرۋلار كافەدراسىنىڭ پروفەسسورى سەۋلە قاسەنوۆا پوستكوۆيدتٸ اسقىنۋ تۋرالى مەلٸمەت ايتتى.
«كوروناۆيرۋسپەن اۋىرعانداردىڭ 20%-ىندا اۋرۋ بەلگٸلەرٸ ۇزاق ۋاقىت بويى ساقتالىپ قالادى. بۇل دەرتپەن اۋىرىپ, جازىلىپ كەتكەندەر بٸزدەن بۇل دەرتتٸڭ كلينيكالىق بەلگٸلەرٸ قاشان كەتەتٸنٸ تۋرالى سۇرايدى. بٸزدە ناقتى مەلٸمەت جوق, بٸراق Covid-19-بەن اۋىرعانداردا اۋرۋ بەلگٸلەرٸ 2 ايدان 2 جىلعا دەيٸن ساقتالىپ قالادى. مىسالى, كوروناۆيرۋسپەن اۋىرعان ادام ۇزاق ۋاقىت بويى جٶتەلٸپ جٷرە بەرۋٸ مٷمكٸن نەمەسە دەمٸكپە پايدا بولۋى, ەلسٸزدٸك پايدا بولۋى مٷمكٸن. وسىنىڭ سالدارىنان ادام بۇرىن كٷندەلٸكتٸ ٸستەپ جٷرگەن ەرەكەتتەرٸن ٸستەي الۋى قيىنداي تٷسۋٸ مٷمكٸن. كوروناۆيرۋسپەن اۋىرعان ادامداردىڭ كەيبٸرٸندە ٷنەمٸ باسى اۋىرىپ, باسى اينالىپ جٷرسە, ەندٸ بٸرٸنٸڭ جٷرەك تۇسى, كەۋدەسٸ اۋىرىپ جٷرۋٸ مٷمكٸن. تٸپتٸ ۇيقىزى بۇزىلىپ, ەستە ساقتاۋ قابٸلەتٸ ناشارلاپ كەتەتٸندەرٸ دە بار. كوروناۆيرۋستىڭ وسىنداي سالدارى مەن وڭالتۋ جولدار بار ەكەنٸن بٸلۋٸمٸز كەرەك. ددسۇ-نىڭ بيىل 25 قاڭتاردا شىققان ۇسىنىمى بويىنشا, كوروناۆيرۋسپەن اۋىرىپ ەمدەلگەن ادام ٶزٸنٸڭ دەرٸگەرٸمەن تەلەفون ارقىلى بايلانىستا بولىپ تۇرۋى كەرەك», - دەيدٸ ول.
