Koronavirýs juqtyrǵandar Reseide 50 myńnan asty. Bul aqparatty Reseidiń koronavirýspen kúres jónindegi jedel shtaby habarlady.
Azattyqtyń Orys qyzmeti - "Radio Svobodanyń" jazýynsha "Koronavirýs juqtyrǵandardyń naqty sany 52 763, onyń 29 myńnan astamy Máskeýde".
Epidemiia bastalǵaly Reseide 456 adam ólgen (51-i bir táýlikte), 3 873 adam saýyǵyp shyqqan.
Koronavirýs Reseidiń barlyq aimaǵyna taraǵan. Máskeýden keiin Máskeý oblysy (5 959), Sankt-Peterbýrg (1 973), Nijegorod oblysy (860), Komi Respýblikasy (507) tur.
Rospotrebnadzordyń málimetine qaraǵanda, Reseide 21 sáýirge deiin 2,14 million test jasalyp, koronavirýs bar-joǵy tekserilgen (táýligine +90 myń test).
Jedel shtab "koronavirýs infektsiiasyn juqtyrǵandardyń 45 paiyzynan astamynda aýrý belgileri baiqalmaǵan" dep kórsetken.
