Nur-Sultan qalasyndaǵy sanitarlyq-epidemiologiialyq jaǵdai qatań baqylaýda, dep habarlaidy elorda ákimdiginiń resmi saity.
«Qalada búginge deiin 222 adam COVID-19 infektsiiacyn juqtyrǵan, al naýqastarmen bailanysta bolǵan adamdar sany – 2167. Ortasha eseppen alǵanda COVID-19 boiynsha tirkelgen bir jaǵdaimen 10 adam bailanysta bolǵan. Bailanysta bolǵan barlyq adam infektsiia tasymaldaýshylar sanalady. Sol sebepti olar der kezinde aýrýhanaǵa jatqyzylyp, oqshaýlanyp, tekseristen ótedi. Bul rette COVID-19 boiynsha 131 oqiǵa (60%) anyqtalǵan», - dep habarlaidy Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova.
Ol bul týraly Ortalyq kommýnikatsiialar qyzmetinde elordadaǵy koronavirýs infektsiiasynyń qazirgi jaǵdaiy jáne azyq-túlik qaýipsizdigi sharalary taqyrybynda ótken brifingte aityp berdi.
S.Qisyqovanyń aitýynsha, infektsiiany syrttan juqtyrý jaǵdaiy 12% bolsa, jergilikti jaǵdai 29%-ǵa jetip otyr.
«Bailanysta bolǵan tulǵalardy jedel anyqtaý COVID-19-dyń qalada taralý qaýpin azaitady. Iaǵni, bul turǵyndardyń infektsiia juqtyrý qaýpin tómendetedi. Qala turǵyndaryna ýaqytyly meditsinalyq kómek kórsetilýin qamtamasyz etip, COVID-19 infektsiiasynyń taralýyna jol bermeý maqsatynda birqatar is-sharalar ótkizildi», - deidi basqarma basshysy.
