Ótken táýlikte Qazaqstanda koronavirýs infektsiiasyn juqtyryp tirkelgender sany taǵy ósti, ásirese Almaty men Nur-Sultanda aýyrǵandar kúrt kóbeigen. Respýblika boiynsha osy infektsiiamen bir kúnde 1 310 kisi tirkelgen. Sonyń ishinde 437 naýqas – Almatydan, 280 adam – Nur-Sultannan. Aldyńǵy táýlikte bul kórsetkish 1 124 adam bolǵan. Bul jóninde koronavirýs infektsiiasyn taratpaý jónindegi vedomstvoaralyq komissiia habarlady.
Ótken táýlikte 819 adam dertinen jazylyp shyqqan. 18 naýryzda Covid-ten 8 adam, "soǵan uqsas pnevmoniiadan" - 1 adam kóz jumǵan.
Qazaqstanda Covid rastalǵan (KVI+) adamdar sany 230 527 boldy. Buǵan qosa, derti PTR testimen rastalmaǵanymen, klinikalyq belgileri koronavirýsqa uqsaityn "pnevmoniiamen" (KVI-) aýyrǵan 50 049 adam sanaqqa alyndy. Bul sanaq byltyrǵy 1 tamyzdan júrgiziledi.
Resmi derek boiynsha, Qazaqstanda koronavirýs indeti kelgen byltyrǵy naýryzdan beri Covid pen soǵan uqsas pnevmoniiadan 3 559 adam kóz jumǵan. Biraq beiresmi boljamdarda qaitys bolǵandar sany budan áldeqaida kóp delinedi.
Densaýlyq saqtaý ministrliginiń 20 naýryzdaǵy málimeti boiynsha, osy kúni Qazaqstanda 20 583 adam koronavirýs infektsiiasynan (17 179 KVI+ jáne 3 404 KVI-) emdelip jatyr, sonyń ishinde 5 914 naýqas statsionarǵa jatqyzylǵan.
Koronavirýsy rastalǵan, rastalmaǵandar arasynda 250 adamnyń jaǵdaiy aýyr, 64 patsienttiń hali óte aýyr, al 34 naýqas ókpeni jeldetý apparatyna qosylǵan.
Sondai-aq, koronavirýs infektsiiasy boiynsha Qazaqstan óńirlerindegi epidemiologiialyq ahýaldy baǵalaý matritsasynyń 20 naýryzdaǵy málimetterine sensek, Nur-Sultan jáne Almaty qalalary men Batys Qazaqstan oblysy «qyzyl» aimaqta tur.
«Sary» aimaqta Aqmola, Almaty, Atyraý jáne Qaraǵandy oblystary ornalasqan. Qalǵan óńirler – «jasyl» aimaqta.
Óńirler boiynsha koronavirýs juqtyrǵandar sany:
Nur-Sultan qalasy - 280, Almaty qalasy - 437, Shymkent qalasy - 19, Aqmola oblysy - 53, Aqtóbe oblysy - 46, Almaty oblysy - 93, Atyraý oblysy - 40, Shyǵys Qazaqstan oblysy - 25, Jambyl oblysy - 13, Batys Qazaqstan oblysy - 80, Qaraǵandy oblysy - 96, Qostanai oblysy - 44, Qyzylorda oblysy - 3, Mańǵystaý oblysy - 5, Pavlodar oblysy - 46, Soltústik Qazaqstan oblysy - 20, Túrkistan oblysy - 10.
