Koronavirýs juqtyrǵan shymkenttik jigitpen bir avtobýsta bolǵan jolaýshylar izdestirilip jatyr. Reistiń qalaǵa qashan, qalai kelgeni aitylyp, kóliktiń nómiri jariia etildi, dep habarlaidy "Ult aqparat" coronavirus2020.kz saityna silteme jasap.
«Nur-Sultan qalasynan Jetisaiǵa (Túrkistan oblysy) memlekettik nómiri «646 FNB 13» avtobýspen sapar shekken jolaýshylar koronavirýs infektsiiasyna saraptama tapsyrý jáne odan ary karantinge ornalasý úshin turǵylyqty nemese tirkelgen jeri boiynsha 103 qyzmetine júginýi qajet», - delingen shuǵyl taratylǵan aqparatta.
Sait málimetinshe, avtobýs Nur-Sultan qalasynan 19 naýryz kúni saǵat 17-30-da jolǵa shyqqan. Shymkent qalasyna 21 naýryz kúni saǵat 23-30-da kelip, «Bekjan bazary» aialdamasyna toqtaǵan. Al Jetisai qalasyna 22 naýryz kúni tańerteń jetken.
Qazirgi sátte avtobýsta bolǵan 51 jolaýshynyń 41-i tabylyp, barlyǵy statsionarlyq karantinge jatqyzyldy.
Virýs juqtyrǵan shymkenttikpen avtobýsta birge kelgen 16 jolaýshy izdestirilip jatqanyn buǵan deiin habarlaǵan edik.
