Almatyda koronavirýs juqtyrǵan meditsina qyzmetkerlerine ótemaqy tóleý tártibi túsindirildi, dep habarlaidy QazAqparat.
«Koronavirýs juqtyrǵan dárigerlerge 2 mln teńge kóleminde ótemaqy tólenýi tiis. Qazir aýrýhanada epidemiologiialyq tekserý júrgizilip jatyr. QR DSM mamandarynan qurylǵan komissiia óz qorytyndysyn shyǵarǵannan keiin bul ótemaqy tólenetin bolady», - dedi Qoǵamdyq densaýlyq saqtaý basqarmasynyń basshysy Tileýhan Ábildaev.
Aita ketsek, Almatyda 17 sáýirde koronavirýs juqtyrǵandardyń sany 461-ge jetti.
Búgin tirkelgen adamdardyń ishinde bir 16 jastaǵy jasóspirim bar.
Naýqastar ishinde Ortalyq qalalyq klinikalyq aýrýhananyń 10 meditsina qyzmetkeri, osy statsionardyń eki patsienti, meditsinalyq jedel járdem qyzmetiniń 1 jumyskeri, №7 Qalalyq klinikalyq aýrýhananyń 2 qyzmetkeri, №12 Qalalyq emhananyń 2 qyzmetkeri, Almaty kópbeiindik klinikalyq aýrýhanasynyń eki qyzmetkeri jáne oqshaýlaý aimaǵyndaǵy virýsy bar adammen bailanysta bolǵan 44 adam anyqtaldy.
Búgingi kúni megapolistiń juqpaly aýrýlar statsionarlarynda Almaty oblysynan naýqas áieldi esepke ala otyryp, 392 adam koronavirýstyq infektsiiadan emdelip jatyr.
Bir patsienttiń jaǵdaiy óte aýyr, 4-ýiniń jaǵdaiy aýyr, 92 adamda (olardyń ishinde oblystan da patsientter bar) – ortasha dárejede bolsa, 295 adamnyń jaǵdaiy qanaǵattanarlyq.
Qazir Almatyda Sovid-19 diagnozy 234 meditsina qyzmetkerine qoiylǵan.
Onyń ishinde Ortalyq qalalyq aýrýhananyń 193, Balalar qalalyq klinikalyq juqpaly aýrýlar aýrýhanasynyń 31, №7 Qalalyq klinikalyq aýrýhananyń 2, Meditsinalyq jedel járdem qyzmetiniń 3, №12 Qalalyq emhananyń 3 meditsina qyzmetkeri jáne №11 men №32 Qalalyq emhanalardyń bir-birden qyzmetkeri aýyrý juqtyrǵany belgile boldy.
