Densaýlyq saqtaý ministri Eljan Birtanov koronavirýs juqtyrǵan Qazaqstan azamattarymen bir bortta bolǵan jolaýshylar karantinge jatqyzylatynyn málim etti, dep habarlaidy "Ult aqparat".
«Atalǵan azamattar Almaty qalasyndaǵy infektsiialyq statsionarda jatyr. Budan buryn aitqanymyzdai, elimizde koronavirýs tirkelgen jaǵdaida Úkimet janyndaǵy vedomstvoaralyq komissiia tiisti is-sharalar josparyn bekitken edi. «B» jospary búgin kúshin endi. Birinshi patsient 9 naýryzda, ekinshisi 12 naýryzda kelgen. Olardyń kim ekenin jariialai almaimyz. Bir er adam men bir áiel. Ekeýi de Qazaqstanǵa ushaqpen ushyp kelgen. Bortta koronavirýsty juqtyrǵandarmen birge bolǵandardyń bári de karantinge jatqyzylady. Iaǵni, 9 naýryzda birge ushqan 73 adamnyń kim ekeni anyqtaldy. Olar baqylaýda. Qaida ekenin bilemiz. Karantinge jatqyzý sharalaryna kiristik. Olar aýrý adamdar emes», - dedi E. Birtanov.
Sonymen qatar ol bortta eki qazaqstandyqpen ushyp kelgen jolaýshylardyń tizimi bar ekenin jetkizdi. 12 naýryzda kelgen ushaqtaǵy 12 azamat qazirgi tańda karantinde jatyr.
Eske sala ketsek, buǵan deiin Densaýlyq saqtaý ministri Eljan Birtanov Qazaqstannyń eki azamatynan koronavirýs infektsiiasy tabylǵanyn málim etken edi.
