Ulybritaniia premer-ministri Boris Djonson intensivti terapiia palatasyna aýystyryldy, dep habarlady BBC saity.
Sońǵy birneshe saǵatta premer-ministrdiń densaýlyǵy nasharlap, dárigerler ony jasandy tynys alý apparatyna jaqyn jerge ornalastyrǵan.
SkyNews arnasynyń habarlaýynsha, naýqas esin biledi, biraq jaǵdaiy nasharlaǵandyqtan dárigerler saqtyq jasap, jergilikti ýaqyt boiynsha keshki saǵat 19.00-de Boris Djonsondy ókpeni jasandy jeldetý apparatyna jaqyn jerge aýystyrǵan.
Djonson premer-ministr mindetin ýaqytsha oryndaýdy syrtqy ister ministri Dominik Raabqa tapsyrǵan.
Jeksenbi, 5 naýryzda "koronavirýs infektsiiasy belgileri baiqalǵan" 55 jastaǵy Boris Djonson Áýlie Foma aýrýhanasyna jatqyzylǵan bolatyn. On kún buryn britan úkimeti jetekshisiniń dene qyzýy kóterilip, koronavirýsqa shaldyqqany habarlanǵan edi.
