Almaty dárigerleri qaladaǵy epidemiologiialyq ahýal týraly baiandady, dep habarlaidy "Ult aqparat".
Almatyda jalpy 58 naýqas bolsa, onyń ekeýi emdelip shyqty.
«Qazirgi ýaqytta qaladaǵy juqpaly aýrýlar statsionarynda 56 naýqas bar, sonyń ekeýi bala. Jańadan anyqtalǵan 10 naýqastyń beseýi 27 naýryzda Sankt-Peterbýrg – Almaty reisimen, bireýi 26 naýryzda Ystanbul – Almaty, al qalǵan ekeýi Máskeý – Almaty reisimen ushyp kelgen. Taǵy ekeýi indet juqtyrýshylarmen bailanysta bolǵan», - dedi basqarmadan.
Quzyrly organnyń habarlaýynsha, barlyq naýqastardyń jaǵdaiy qanaǵattanarlyq.
«Em qabyldap jatqan 51 naýqastyń jaǵdaiy qanaǵattanarlyq. Tek bir eresek naýqastyń jaǵdaiy aýyr dep baǵalansa, tórt emdelýshi ortasha dárejede, onyń ishinde bala da bar. Provizorlyq ortalyqtarda 854 adam bar, onyń 86-sy bala. Al úi karantininde 2037 adam jatyr», - dedi basqarma ókilderi.
