الماتى دەرٸگەرلەرٸ قالاداعى ەپيدەميولوگييالىق احۋال تۋرالى باياندادى, دەپ حابارلايدى "ۇلت اقپارات".
الماتىدا جالپى 58 ناۋقاس بولسا, ونىڭ ەكەۋٸ ەمدەلٸپ شىقتى.
«قازٸرگٸ ۋاقىتتا قالاداعى جۇقپالى اۋرۋلار ستاتسيونارىندا 56 ناۋقاس بار, سونىڭ ەكەۋٸ بالا. جاڭادان انىقتالعان 10 ناۋقاستىڭ بەسەۋٸ 27 ناۋرىزدا سانكت-پەتەربۋرگ – الماتى رەيسٸمەن, بٸرەۋٸ 26 ناۋرىزدا ىستانبۇل – الماتى, ال قالعان ەكەۋٸ مەسكەۋ – الماتى رەيسٸمەن ۇشىپ كەلگەن. تاعى ەكەۋٸ ٸندەت جۇقتىرۋشىلارمەن بايلانىستا بولعان», - دەدٸ باسقارمادان.
قۇزىرلى ورگاننىڭ حابارلاۋىنشا, بارلىق ناۋقاستاردىڭ جاعدايى قاناعاتتانارلىق.
«ەم قابىلداپ جاتقان 51 ناۋقاستىڭ جاعدايى قاناعاتتانارلىق. تەك بٸر ەرەسەك ناۋقاستىڭ جاعدايى اۋىر دەپ باعالانسا, تٶرت ەمدەلۋشٸ ورتاشا دەرەجەدە, ونىڭ ٸشٸندە بالا دا بار. پروۆيزورلىق ورتالىقتاردا 854 ادام بار, ونىڭ 86-سى بالا. ال ٷي كارانتينٸندە 2037 ادام جاتىر», - دەدٸ باسقارما ٶكٸلدەرٸ.
