Koronavirýs juqtyrǵan 58 naýqastyń jaǵdaiy aýyr. Bul týraly QR Densaýlyq saqtaý ministri Eljan Birtanov aitty, dep habarlaidy "Ult aqparat".
«Ózderińizge málim, keshe koronavirýs jaǵdaiyna bailanysty Úkimette vedomstvoaralyq komissiianyń otyrysy ótti. Jalpy, qazirgi kúni elimizde koronavirýs juqtyryp alǵan 9 300-den astam adam tirkeldi. Olardyń arasynda 50 paiyzy, iaǵni 4 600-den astam naýqas jazylyp, aýrýhanadan shyqty. Ókishinke orai 37 naýqas qaitys boldy», - dedi ministr Ortalyq kommýnikatsiialar qyzmetindegi brifing barysynda.
Onyń atap ótýinshe, qazirgi ýaqytta 4 653 naýqas em alyp jatyr. Olardyń arasynda 355 bala bar.
«Sonymen qatar osy naýqastardyń 85 paiyzynyń jaǵdaiy jeńil deńgeide dep atýǵa bolady. Kóp naýqas simptomsyz tirkelgen. Biraq 13 paiyz nemese 543 naýqastyń jaǵdaiy ortasha, 1,5 nemese 58 naýqastyń jaǵdaiy aýyr. Olardyń ishinde 19 naýqas ókpeni jasandy jeldetý apparatyna qosylǵan», - dedi Eljan Birtanov.
