كوروناۆيرۋس جۇقتىرعان 58 ناۋقاستىڭ جاعدايى اۋىر. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ ايتتى, دەپ حابارلايدى "ۇلت اقپارات".
«ٶزدەرٸڭٸزگە مەلٸم, كەشە كوروناۆيرۋس جاعدايىنا بايلانىستى ٷكٸمەتتە ۆەدومستۆوارالىق كوميسسييانىڭ وتىرىسى ٶتتٸ. جالپى, قازٸرگٸ كٷنٸ ەلٸمٸزدە كوروناۆيرۋس جۇقتىرىپ العان 9 300-دەن استام ادام تٸركەلدٸ. ولاردىڭ اراسىندا 50 پايىزى, ياعني 4 600-دەن استام ناۋقاس جازىلىپ, اۋرۋحانادان شىقتى. ٶكٸشٸنكە وراي 37 ناۋقاس قايتىس بولدى», - دەدٸ مينيستر ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, قازٸرگٸ ۋاقىتتا 4 653 ناۋقاس ەم الىپ جاتىر. ولاردىڭ اراسىندا 355 بالا بار.
«سونىمەن قاتار وسى ناۋقاستاردىڭ 85 پايىزىنىڭ جاعدايى جەڭٸل دەڭگەيدە دەپ اتۋعا بولادى. كٶپ ناۋقاس سيمپتومسىز تٸركەلگەن. بٸراق 13 پايىز نەمەسە 543 ناۋقاستىڭ جاعدايى ورتاشا, 1,5 نەمەسە 58 ناۋقاستىڭ جاعدايى اۋىر. ولاردىڭ ٸشٸندە 19 ناۋقاس ٶكپەنٸ جاساندى جەلدەتۋ اپپاراتىنا قوسىلعان», - دەدٸ ەلجان بٸرتانوۆ.
