Almatyda jatqan patsientterdiń biriniń jaǵdaiy asa aýyr, dep habarlaidy QazAqparat.
«Qazir statsionarlyq emdi 712 patsient qabyldap jatyr. Almatyda jatqan patsientterdiń biriniń jaǵdaiy asa aýyr. 17 naýqastyń jaǵdaiy aýyr. 107 naýqas aýyrlyǵy ortasha deńgeide jatyr. Biraq koronavirýs juqtyrý jaǵdailarynyń 80 paiyzynda – 587 naýqas simptomsyz nemese aýrýdy jeńil kótergender», - dedi Densaýlyq saqtaý ministrliginiń jaýapty hatshysy Botagóz Jaqselekova OKQ-da ótken baspasóz máslihatynda.
Ministrlik ókiliniń aitýyna qaraǵanda, osyǵan deiin koronavirýs infektsiiasyn juqtyrǵan azamattarmen bailanysta bolǵan 21 myńǵa tarta azamat anyqtalǵan.
«Olardyń 99 paiyzy anyqtalyp, tabylyp, oqshaýlandy. Aýrýdyń tirkelý qarqyny búkil elde karantin tártibi engizilgeli beri 29 naýryzdaǵy 29 paiyzdyq deńgeidegi jaǵdaimen salystyrǵanda 7 paiyzǵa deiin tómendedi. Bul jaǵdai qatań karantin sharalarynyń tiimdiligin kórsetedi», - dedi ol.
Botagóz Jaqselekova keiingi kúnderi Nur-Sultan men Almaty qalalarynda koronavirýs juqtyrý jaǵdailarynyń aitarlyqtai tómendegenin jetkizdi. Bul da shekteý sharalarynyń kúsheitilýimen tikelei bailanysty bolyp otyr.
