الماتىدا جاتقان پاتسيەنتتەردٸڭ بٸرٸنٸڭ جاعدايى اسا اۋىر, دەپ حابارلايدى قازاقپارات.
«قازٸر ستاتسيونارلىق ەمدٸ 712 پاتسيەنت قابىلداپ جاتىر. الماتىدا جاتقان پاتسيەنتتەردٸڭ بٸرٸنٸڭ جاعدايى اسا اۋىر. 17 ناۋقاستىڭ جاعدايى اۋىر. 107 ناۋقاس اۋىرلىعى ورتاشا دەڭگەيدە جاتىر. بٸراق كوروناۆيرۋس جۇقتىرۋ جاعدايلارىنىڭ 80 پايىزىندا – 587 ناۋقاس سيمپتومسىز نەمەسە اۋرۋدى جەڭٸل كٶتەرگەندەر», - دەدٸ دەنساۋلىق ساقتاۋ مينيسترلٸگٸنٸڭ جاۋاپتى حاتشىسى بوتاگٶز جاقسەلەكوۆا وكق-دا ٶتكەن باسپاسٶز مەسليحاتىندا.
مينيسترلٸك ٶكٸلٸنٸڭ ايتۋىنا قاراعاندا, وسىعان دەيٸن كوروناۆيرۋس ينفەكتسيياسىن جۇقتىرعان ازاماتتارمەن بايلانىستا بولعان 21 مىڭعا تارتا ازامات انىقتالعان.
«ولاردىڭ 99 پايىزى انىقتالىپ, تابىلىپ, وقشاۋلاندى. اۋرۋدىڭ تٸركەلۋ قارقىنى بٷكٸل ەلدە كارانتين تەرتٸبٸ ەنگٸزٸلگەلٸ بەرٸ 29 ناۋرىزداعى 29 پايىزدىق دەڭگەيدەگٸ جاعدايمەن سالىستىرعاندا 7 پايىزعا دەيٸن تٶمەندەدٸ. بۇل جاعداي قاتاڭ كارانتين شارالارىنىڭ تيٸمدٸلٸگٸن كٶرسەتەدٸ», - دەدٸ ول.
بوتاگٶز جاقسەلەكوۆا كەيٸنگٸ كٷندەرٸ نۇر-سۇلتان مەن الماتى قالالارىندا كوروناۆيرۋس جۇقتىرۋ جاعدايلارىنىڭ ايتارلىقتاي تٶمەندەگەنٸن جەتكٸزدٸ. بۇل دا شەكتەۋ شارالارىنىڭ كٷشەيتٸلۋٸمەن تٸكەلەي بايلانىستى بولىپ وتىر.
