Almatyda koronavirýs juqtyrǵan 3794 naýqas em qabyldap jatyr. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaidy "Ult aqparat".
30 sáýir kúngi aqparat boiynsha, bir táýlikte qalada 675 adam koronavirýs juqtyrǵan. (jergilikti 673 jáne Túrkiia jáne Reseiden kelgen 2 jaǵdai), Munyń ishinde simptomdy, jeńil jáne ortasha deńgeidegi belgilermen - 584, simptomsyz – 91 naýqas tirkeldi.
«Infektsiialyq statsionarlarda 3794 adam bar (tósek-orynnyń jalpy sany - 6 060), onyń ishinde 108 bala emdelýde», – dep naqtylady Qoǵamdyq densaýlyq saqtaý basqarmasynyń baspasóz qyzmetinen.
Sondai-aq, reanimatsiia jáne qarqyndy terapiia bóliminde 239 adam jatyr. Al 38 naýqas jasandy tynys alý apparatyna qosylǵan. Invazivti emes jasandy tynys alý apparatynda 78 adam em qabyldaýdy jalǵastyrýda.
Meditsinalyq-sanitariialyq alǵashqy kómek mobildi brigadalarynyń jáne Telemeditsina ortalyǵynyń ambýlatoriialyq baqylaýynda 5477 patsient bar. Onyń ishinde 4861 adamda indet belgileri bolǵan, olar ortasha aýyr jaǵdaida.
