Aqtóbe oblysynda meditsinalyq kolledj túlekteri jedel járdem brigadalaryna kómektesetin bolady. Al ýniversitettiń oqytýshy-professorlary men rezidentteri aýrýhanalarǵa jiberiledi, dep habarlaidy "Ult aqparat".
Aqtóbe oblysynda qazir 4800-den astam medtsina qyzmetkeri jumys isteidi.
«Meditsina ýniversitetiniń 112 rezidenti men 165 oqytýshy-professory emdeý, keńes berý jumysyna tartylady. Sonymen birge búginnen bastap jedel járdem men provizorlyq emdeý ornyna meditsinalyq kolledjdiń 100-ge jýyq túlegi qosyldy», - dedi oblys ákimi Ońdasyn Orazalin.
Óńir basshysy tikelei efir kezinde dári-dármekpen qamtamasyz etý úshin josparly tolyqtyrý júrgenin, demeýshiler arqyly qor jinalatynyn aitty.
«Oblys boiynsha 200-ge jýyq monitoring toby quryldy. Olar 4 myńnan astam tekserý júrgizdi. Turǵyndar tarapynan suranys artqan soń qyzý túsiretin dári, antibiotikter, virýsqa qarsy preparattardyń jetispeýshiligi bar. Ony bilemin. Oblystaǵy 573 dárihanaǵa dári-dármek ýaqylyty kelse de, turǵyndardy tolyq qamtamasyz ete almai otyr. Dárihana ielerine eskertý berildi. Sonymen birge kórshiles Reseimen bailanys ornatyldy», - dedi Ońdasyn Orazalin.
