COVID-19 jáne koronavirýstyq pnevmoniiamen aýyrǵan naýqastar áleýmettik meditsinalyq saqtandyrý esebinen ońaltýdan óte alady. QR Densaýlyq saqtaý ministrligi Halyqty meditsinalyq ońaltý erejesine tiisti tolyqtyrýlar engizdi. Buiryq «Ádilet» saitynda jariialandy.
COVID-19-dan aiyqqan naýqastardyń densaýlyǵyn ońaltý birneshe kezeńnen turady. Aýrýhanaǵa jatqyzý kezeńinde-aq qalpyna keltirý sharalarynyń kesheni bastalady. Olar tynys alýdy qalypqa keltirýge, asqynýlardyń damýyn azaitýǵa, ómir súrý sapasyn jaqsartýǵa jáne mazasyzdyq pen depressiia belgilerin jeńildetýge baǵyttalǵan.
Aýrýhanadan shyqqannan keiin aýrý aǵymynyń aýyrlyǵyna, ilespe patologiialardyń bolýyna bailanysty patsient meditsinalyq ońaltýdyń 2-kezeńine nemese birden 3-kezeńge jiberilýi múmkin. Ol ambýlatoriialyq-emhanalyq uiymdarda, kúndizgi jáne táýliktik statsionarlarda, ońaltý ortalyqtarynda, sanatorii-kýrorttyq uiymdarda, úidegi statsionarlarda nemese qashyqtan júrgiziledi. Aita ketý kerek, koronavirýstan keiingi sindrom psihologiialyq qoldaý sharalaryn qajet etedi.
«Eger naýqas koronavirýs infektsiiasymen aýyrǵan bolsa, qannyń ottegimen qanyǵýy 95% tómen, ókpeniń zaqymdaný deńgeii 50% assa nemese bul kórsetkish 25% deńgeiinde bolsa, sondai-aq norma sheginen asatyn entigý, ilespe aýrýlary bolsa, oǵan ottegi berý qoldanylsa jáne emdeý reanimatsiia, qarqyndy terapiia bóliminde ótse, onda bul naýqas 2-kezeńdi qalpyna keltirýdi qajet etedi. Al jaǵdaiy ortasha bolǵan patsientter 3-kezeńge jiberiledi», - dedi Áleýmettik meditsinalyq saqtandyrý qorynyń baspasóz qyzmetinen.
Aita ketý kerek, úide emdelip, meditsinalyq uiymdarǵa júginbegen azamattar da 3-kezeńdi ońaltýdan óte alady. Sondai-aq, olar mýltidistsiplinarly toptyń baǵalaýynan ótýi qajet.
Árbir ońaltý kýrsy patsient aǵzasynyń erekshelikterin, onyń qosalqy aýrýlarynyń bolýyn, jasyn jáne taǵy basqalaryn eskere otyryp, jeke tańdalady.
COVID-19 jáne koronavirýstyq pnevmoniiamen aýyratyn naýqastardy ońaltýǵa jiberý tártibi burynǵy tártipten erekshelenbeidi: ol úshin siz ýchaskelik dárigermen keńesýińiz kerek, ýchastkelik dáriger patsienttiń jaǵdaiyn baǵalaý úshin reabilitolog nemese kópsalaly mamandar tobynyń keńesine joldama beredi. Tekserý kezinde tynys alý fýnktsiiasy (satýratsiia deńgeii, KT/rentgenografiia derekteri boiynsha ózgerister), kúndelikti ómirge qabilettiligi (Bartel indeksi) eskeriledi.
Qor koronavirýspen nemese pnevmoniiamen aýyrǵannan keiin olarǵa muqtaj saqtandyrylǵan halyq úshin ońaltý qyzmetterin úzdiksiz qarjylandyrýdy qamtamasyz etedi.
Ońaltý qyzmetterin kórsetý úshin biylǵy jyly Áleýmettik meditsinalyq saqtandyrý qory 559 jetkizýshimen sharttar jasasty. Onyń ishinde osy qyzmetterdi jetkizýshiler qatarynda 203 jeke meditsinalyq uiym bar.
Eger emdelýshige kómek kórsetýden bas tartylsa nemese onyń ońaltý erejelerine qatysty suraqtary týyndasa, onda patsient 1406 bailanys ortalyǵyna júgine alady nemese Qoldau 24/7 mobildik qosymshasynda ótinish qaldyra alady.
