COVID-19 جەنە كوروناۆيرۋستىق پنەۆمونييامەن اۋىرعان ناۋقاستار ەلەۋمەتتٸك مەديتسينالىق ساقتاندىرۋ ەسەبٸنەن وڭالتۋدان ٶتە الادى. قر دەنساۋلىق ساقتاۋ مينيسترلٸگٸ حالىقتى مەديتسينالىق وڭالتۋ ەرەجەسٸنە تيٸستٸ تولىقتىرۋلار ەنگٸزدٸ. بۇيرىق «ەدٸلەت» سايتىندا جارييالاندى.
COVID-19-دان ايىققان ناۋقاستاردىڭ دەنساۋلىعىن وڭالتۋ بٸرنەشە كەزەڭنەن تۇرادى. اۋرۋحاناعا جاتقىزۋ كەزەڭٸندە-اق قالپىنا كەلتٸرۋ شارالارىنىڭ كەشەنٸ باستالادى. ولار تىنىس الۋدى قالىپقا كەلتٸرۋگە, اسقىنۋلاردىڭ دامۋىن ازايتۋعا, ٶمٸر سٷرۋ ساپاسىن جاقسارتۋعا جەنە مازاسىزدىق پەن دەپرەسسييا بەلگٸلەرٸن جەڭٸلدەتۋگە باعىتتالعان.
اۋرۋحانادان شىققاننان كەيٸن اۋرۋ اعىمىنىڭ اۋىرلىعىنا, ٸلەسپە پاتولوگييالاردىڭ بولۋىنا بايلانىستى پاتسيەنت مەديتسينالىق وڭالتۋدىڭ 2-كەزەڭٸنە نەمەسە بٸردەن 3-كەزەڭگە جٸبەرٸلۋٸ مٷمكٸن. ول امبۋلاتورييالىق-ەمحانالىق ۇيىمداردا, كٷندٸزگٸ جەنە تەۋلٸكتٸك ستاتسيونارلاردا, وڭالتۋ ورتالىقتارىندا, ساناتوريي-كۋرورتتىق ۇيىمداردا, ٷيدەگٸ ستاتسيونارلاردا نەمەسە قاشىقتان جٷرگٸزٸلەدٸ. ايتا كەتۋ كەرەك, كوروناۆيرۋستان كەيٸنگٸ سيندروم پسيحولوگييالىق قولداۋ شارالارىن قاجەت ەتەدٸ.
«ەگەر ناۋقاس كوروناۆيرۋس ينفەكتسيياسىمەن اۋىرعان بولسا, قاننىڭ وتتەگٸمەن قانىعۋى 95% تٶمەن, ٶكپەنٸڭ زاقىمدانۋ دەڭگەيٸ 50% اسسا نەمەسە بۇل كٶرسەتكٸش 25% دەڭگەيٸندە بولسا, سونداي-اق نورما شەگٸنەن اساتىن ەنتٸگۋ, ٸلەسپە اۋرۋلارى بولسا, وعان وتتەگٸ بەرۋ قولدانىلسا جەنە ەمدەۋ رەانيماتسييا, قارقىندى تەراپييا بٶلٸمٸندە ٶتسە, وندا بۇل ناۋقاس 2-كەزەڭدٸ قالپىنا كەلتٸرۋدٸ قاجەت ەتەدٸ. ال جاعدايى ورتاشا بولعان پاتسيەنتتەر 3-كەزەڭگە جٸبەرٸلەدٸ», - دەدٸ ەلەۋمەتتٸك مەديتسينالىق ساقتاندىرۋ قورىنىڭ باسپاسٶز قىزمەتٸنەن.
ايتا كەتۋ كەرەك, ٷيدە ەمدەلٸپ, مەديتسينالىق ۇيىمدارعا جٷگٸنبەگەن ازاماتتار دا 3-كەزەڭدٸ وڭالتۋدان ٶتە الادى. سونداي-اق, ولار مۋلتيديستسيپلينارلى توپتىڭ باعالاۋىنان ٶتۋٸ قاجەت.
ەربٸر وڭالتۋ كۋرسى پاتسيەنت اعزاسىنىڭ ەرەكشەلٸكتەرٸن, ونىڭ قوسالقى اۋرۋلارىنىڭ بولۋىن, جاسىن جەنە تاعى باسقالارىن ەسكەرە وتىرىپ, جەكە تاڭدالادى.
COVID-19 جەنە كوروناۆيرۋستىق پنەۆمونييامەن اۋىراتىن ناۋقاستاردى وڭالتۋعا جٸبەرۋ تەرتٸبٸ بۇرىنعى تەرتٸپتەن ەرەكشەلەنبەيدٸ: ول ٷشٸن سٸز ۋچاسكەلٸك دەرٸگەرمەن كەڭەسۋٸڭٸز كەرەك, ۋچاستكەلٸك دەرٸگەر پاتسيەنتتٸڭ جاعدايىن باعالاۋ ٷشٸن رەابيليتولوگ نەمەسە كٶپسالالى ماماندار توبىنىڭ كەڭەسٸنە جولداما بەرەدٸ. تەكسەرۋ كەزٸندە تىنىس الۋ فۋنكتسيياسى (ساتۋراتسييا دەڭگەيٸ, كت/رەنتگەنوگرافييا دەرەكتەرٸ بويىنشا ٶزگەرٸستەر), كٷندەلٸكتٸ ٶمٸرگە قابٸلەتتٸلٸگٸ (بارتەل يندەكسٸ) ەسكەرٸلەدٸ.
قور كوروناۆيرۋسپەن نەمەسە پنەۆمونييامەن اۋىرعاننان كەيٸن ولارعا مۇقتاج ساقتاندىرىلعان حالىق ٷشٸن وڭالتۋ قىزمەتتەرٸن ٷزدٸكسٸز قارجىلاندىرۋدى قامتاماسىز ەتەدٸ.
وڭالتۋ قىزمەتتەرٸن كٶرسەتۋ ٷشٸن بيىلعى جىلى ەلەۋمەتتٸك مەديتسينالىق ساقتاندىرۋ قورى 559 جەتكٸزۋشٸمەن شارتتار جاساستى. ونىڭ ٸشٸندە وسى قىزمەتتەردٸ جەتكٸزۋشٸلەر قاتارىندا 203 جەكە مەديتسينالىق ۇيىم بار.
ەگەر ەمدەلۋشٸگە كٶمەك كٶرسەتۋدەن باس تارتىلسا نەمەسە ونىڭ وڭالتۋ ەرەجەلەرٸنە قاتىستى سۇراقتارى تۋىنداسا, وندا پاتسيەنت 1406 بايلانىس ورتالىعىنا جٷگٸنە الادى نەمەسە Qoldau 24/7 موبيلدٸك قوسىمشاسىندا ٶتٸنٸش قالدىرا الادى.
