7 jeltoqsanda Qazaqstanda koronavirýs juqqany testpen dáleldengen 670 adam anyqtaldy, 18 adamǵa koronavirýs pnevmoniiasy diagnozy qoiyldy. PTR-test nátijesi oń shyqqan naýqastar arasynda bir kúnde 8 adam ólimi tirkeldi. Koronavirýs pnevmoniiasynan 2 adam qaitys bolǵan.
Ótken táýlikte Pavlodar oblysynda - 104, Soltústik Qazaqstan jáne Qostanai oblystarynda árqaisynda 75 adamnan koronavirýs anyqtalǵan. Dúisenbi kúni Shyǵys Qazaqstan oblysynda - 71, Almaty qalasynda - 65, Atyraý oblysynda - 61, Aqmola oblysynda - 60, Nur-Sultanda - 41, Batys Qazaqstan oblysynda - 40, Qaraǵandy oblysynda - 30, Almaty oblysynda - 23, Jambyl oblysynda - 18, Túrkistan oblysynda - 4, Shymkent qalasynda - 2, Mańǵystaý oblysynda 1 adamǵa Covid diagnozy qoiylǵan. Aqtóbe men Qyzylorda oblystarynda naýqas tirkelmegen.
Bilik aimaqtaǵy koronavirýs pnevmoniiasy esebin sirek jariialaidy. 1 tamyzdan beri 43 124 adamnan koronavirýs pnevmoniiasy anyqtalǵan, 31 myńǵa jýyǵy jazylǵan, 456 adam qaitys bolǵan.
Naýryz aiynan beri 137 653 adamǵa koronavirýs juqqany testpen rastalǵan. Osy ýaqyt aralyǵynda PTR-test nátijesi oń kórsetken naýqastar arasynda 2096 adam ólimi tirkelgen. Naýryzdan beri 120 myńnan astam adam jazylǵan.
Densaýlyq saqtaý ministrliginiń aqparatyna sensek, Qazaqstanda koronavirýstan 14 210 adam emdelýde.
Osy ýaqytta elimizdegi statsionarlarda 3 803 naýqas jatyr, 10 427 adam ambýlatoriialyq jaǵdaida emdelýde.
«Jalpy naýqastardyń arasynda 246 adamnyń densaýlyq jaǵdai nashar. Sonyń ishinde 31 naýqastyń densaýlyq jaǵdaiy asa aýyr dep baǵalanyp otyr, 36 naýqas jasandy tynys alý apparatynda jatyr», - delingen habarlamada.
