Akter Darhan Musaev NTK telearnasyndaǵy «Ne deidi?» baǵdarlamasynda burynǵy jubaiy, aktrisa Dariǵa Badyqovaǵa qatysty pikir bildirdi, dep habarlaidy ult.kz.

Óner iesiniń aitýynsha, ajyrasqannan keiin janyna batqany - burynǵy sezimi emes, kóńilinde qalǵan ókpe. Ol eks-jubaiynyń ózine jasaǵan áreketine nalyǵanyn jetkizdi.

"Adamzat úsh nárseni umytpaidy deidi ǵoi. Men ózime tiesilini aitaiyn. “Podlost” jasaǵan adamdy umytpaidy ekensiń, ásirese er azamat. Men ony qatty jaqsy kórgenimnen emes, tek maǵan ittik jasaǵanyna qatty nalydym. Al bylai Allaǵa amanattap tastaǵanmyn, duǵamdy tiledim. Qaita qýanyp jatyrmyn", - dedi Darhan Musaev.

Akter ómirinde aýyr qaza kórgenin de eske aldy. Ol 16 jasynda anasynan aiyrylǵanyn aityp, jeke ómirindegi ózgeristerge bola ózin kúizeliske túsirgisi kelmeitinin túsindirdi.

"Men 16 jasymda anamnan aiyrylǵan adammyn. Áiel úshin janymdy aýyrtyp, aýyryp qalatyn adam emespin. Sol úshin Allaǵa amanattadym. Joly ashyq bolsyn, aman bolsyn", – dedi ol.

Suhbat barysynda Musaev burynǵy jubaiyna qatysty jelide taraǵan aqparattardan habardar ekenin de aitty. Alaida olardyń ózin tolqytpaǵanyn jetkizdi.

"Áleýmettik jeliden kórdim. Soqyrdyń ózi kóretindei tarap jatyr ǵoi. Eshqandai sezimde bolǵan joqpyn", – dedi akter.

Aita keteiik, Oljas Abaidyń eks-jary jazbasymen oilandyryp qoidy.

Dariǵa Badyqova kim? 

Dariǵa Badyqova - qazaqstandyq aktrisa ári prodiýser. Ol 1985 jylǵy 1 jeltoqsanda Jambyl oblysynyń Moiynqum aýylynda dúniege kelgen. Kórermenge «Kelinjan» telehikaiasyndaǵy Aisara róli arqyly keńinen tanyldy. Keiin osy serialdyń jelisimen túsirilgen tolyqmetrajdy filmderde de oinady.

Aktrisa «Qazaqsha biznes» filmderindegi Maqpal beinesimen de kópshilikke tanys. Onyń shyǵarmashylyǵynda komediialyq rólder erekshe oryn alady. Sonymen qatar «Hotia by v kino» filmine túsip, osy jobada prodiýser retinde de jumys istedi.