7 جەلتوقساندا قازاقستاندا كوروناۆيرۋس جۇققانى تەستپەن دەلەلدەنگەن 670 ادام انىقتالدى, 18 ادامعا كوروناۆيرۋس پنەۆمونيياسى دياگنوزى قويىلدى. پتر-تەست نەتيجەسٸ وڭ شىققان ناۋقاستار اراسىندا بٸر كٷندە 8 ادام ٶلٸمٸ تٸركەلدٸ. كوروناۆيرۋس پنەۆمونيياسىنان 2 ادام قايتىس بولعان.
ٶتكەن تەۋلٸكتە پاۆلودار وبلىسىندا - 104, سولتٷستٸك قازاقستان جەنە قوستاناي وبلىستارىندا ەرقايسىندا 75 ادامنان كوروناۆيرۋس انىقتالعان. دٷيسەنبٸ كٷنٸ شىعىس قازاقستان وبلىسىندا - 71, الماتى قالاسىندا - 65, اتىراۋ وبلىسىندا - 61, اقمولا وبلىسىندا - 60, نۇر-سۇلتاندا - 41, باتىس قازاقستان وبلىسىندا - 40, قاراعاندى وبلىسىندا - 30, الماتى وبلىسىندا - 23, جامبىل وبلىسىندا - 18, تٷركٸستان وبلىسىندا - 4, شىمكەنت قالاسىندا - 2, ماڭعىستاۋ وبلىسىندا 1 ادامعا Covid دياگنوزى قويىلعان. اقتٶبە مەن قىزىلوردا وبلىستارىندا ناۋقاس تٸركەلمەگەن.
بيلٸك ايماقتاعى كوروناۆيرۋس پنەۆمونيياسى ەسەبٸن سيرەك جارييالايدى. 1 تامىزدان بەرٸ 43 124 ادامنان كوروناۆيرۋس پنەۆمونيياسى انىقتالعان, 31 مىڭعا جۋىعى جازىلعان, 456 ادام قايتىس بولعان.
ناۋرىز ايىنان بەرٸ 137 653 ادامعا كوروناۆيرۋس جۇققانى تەستپەن راستالعان. وسى ۋاقىت ارالىعىندا پتر-تەست نەتيجەسٸ وڭ كٶرسەتكەن ناۋقاستار اراسىندا 2096 ادام ٶلٸمٸ تٸركەلگەن. ناۋرىزدان بەرٸ 120 مىڭنان استام ادام جازىلعان.
دەنساۋلىق ساقتاۋ مينيسترلٸگٸنٸڭ اقپاراتىنا سەنسەك, قازاقستاندا كوروناۆيرۋستان 14 210 ادام ەمدەلۋدە.
وسى ۋاقىتتا ەلٸمٸزدەگٸ ستاتسيونارلاردا 3 803 ناۋقاس جاتىر, 10 427 ادام امبۋلاتورييالىق جاعدايدا ەمدەلۋدە.
«جالپى ناۋقاستاردىڭ اراسىندا 246 ادامنىڭ دەنساۋلىق جاعداي ناشار. سونىڭ ٸشٸندە 31 ناۋقاستىڭ دەنساۋلىق جاعدايى اسا اۋىر دەپ باعالانىپ وتىر, 36 ناۋقاس جاساندى تىنىس الۋ اپپاراتىندا جاتىر», - دەلٸنگەن حابارلامادا.
