Jambyl oblysynda tirkelgen koronavirýsqa shaldyǵýdyń úshinshi oqiǵasyna qatysty málimetter jariialandy, dep habarlaidy QazAqparat coronavirus2020.kz saityna silteme jasap.
27 naýryz kúni Jambyl oblysynda koronavirýs infektsiiasyn juqtyrýdyń 3-jaǵdaiy tirkelgen bolatyn.
«Naýqastanǵan Qordai aýdanynyń 1996 jylǵy turǵyny 24 naýryzda Qyrǵyzstan Respýblikasynan kelgen. Belgilengen algoritm boiynsha boijetken karantindik statsionarǵa jatqyzyldy. Zerthanalyq taldaý nátijeleri koronavirýstyń oń nátijesin kórsetti», - delingen aqparatta.
Patsient infektsiialyq statsionarǵa jatqyzylǵan.
«Jaǵdaiy – qanaǵattanarlyq. Dene qyzýynyń joǵarylaýy jáne koronavirýstyń ózge belgileri baiqalmaidy. Koronavirýs infektsiiasyna diagnostika jáne ony emdeý bekitilgen hattama boiynsha júzege asyrylýda. Qarym-qatynasta bolǵan tulǵalar anyqtalyp, karantinge alyndy. Olardyń analizderine taldaý jasalýda», - delingen baspasóz málimetinde.
Aita keteiik, Jambyl oblysynda indetke shaldyǵýdyń alǵashqy jaǵdaiy 24 naýryzda tirkeldi. Ol - Jambyl oblysy Shý aýdanynyń turǵyny. Óńirge Qyrǵyzstan Respýblikasynan kelgen. 24 naýryz kúni oblystyq karantindik statsionarǵa jatqyzyldy.
Ekinshi oqiǵa 26 naýryz kúni anyqtaldy. Infektsiia Qordai aýdanynyń 1974 jylǵy turǵynynan tabyldy. Ol bir kún buryn otbasymen birge Qyrǵyzstannan kelgen. Januianyń bes múshesi de shekaradan óte salysymen oqshaýlanyp, karantindik statsionarǵa jatqyzyldy.
