جامبىل وبلىسىندا تٸركەلگەن كوروناۆيرۋسقا شالدىعۋدىڭ ٷشٸنشٸ وقيعاسىنا قاتىستى مەلٸمەتتەر جارييالاندى, دەپ حابارلايدى قازاقپارات coronavirus2020.kz سايتىنا سٸلتەمە جاساپ.
27 ناۋرىز كٷنٸ جامبىل وبلىسىندا كوروناۆيرۋس ينفەكتسيياسىن جۇقتىرۋدىڭ 3-جاعدايى تٸركەلگەن بولاتىن.
«ناۋقاستانعان قورداي اۋدانىنىڭ 1996 جىلعى تۇرعىنى 24 ناۋرىزدا قىرعىزستان رەسپۋبليكاسىنان كەلگەن. بەلگٸلەنگەن الگوريتم بويىنشا بويجەتكەن كارانتيندٸك ستاتسيونارعا جاتقىزىلدى. زەرتحانالىق تالداۋ نەتيجەلەرٸ كوروناۆيرۋستىڭ وڭ نەتيجەسٸن كٶرسەتتٸ», - دەلٸنگەن اقپاراتتا.
پاتسيەنت ينفەكتسييالىق ستاتسيونارعا جاتقىزىلعان.
«جاعدايى – قاناعاتتانارلىق. دەنە قىزۋىنىڭ جوعارىلاۋى جەنە كوروناۆيرۋستىڭ ٶزگە بەلگٸلەرٸ بايقالمايدى. كوروناۆيرۋس ينفەكتسيياسىنا دياگنوستيكا جەنە ونى ەمدەۋ بەكٸتٸلگەن حاتتاما بويىنشا جٷزەگە اسىرىلۋدا. قارىم-قاتىناستا بولعان تۇلعالار انىقتالىپ, كارانتينگە الىندى. ولاردىڭ اناليزدەرٸنە تالداۋ جاسالۋدا», - دەلٸنگەن باسپاسٶز مەلٸمەتٸندە.
ايتا كەتەيٸك, جامبىل وبلىسىندا ٸندەتكە شالدىعۋدىڭ العاشقى جاعدايى 24 ناۋرىزدا تٸركەلدٸ. ول - جامبىل وبلىسى شۋ اۋدانىنىڭ تۇرعىنى. ٶڭٸرگە قىرعىزستان رەسپۋبليكاسىنان كەلگەن. 24 ناۋرىز كٷنٸ وبلىستىق كارانتيندٸك ستاتسيونارعا جاتقىزىلدى.
ەكٸنشٸ وقيعا 26 ناۋرىز كٷنٸ انىقتالدى. ينفەكتسييا قورداي اۋدانىنىڭ 1974 جىلعى تۇرعىنىنان تابىلدى. ول بٸر كٷن بۇرىن وتباسىمەن بٸرگە قىرعىزستاننان كەلگەن. جانۇيانىڭ بەس مٷشەسٸ دە شەكارادان ٶتە سالىسىمەن وقشاۋلانىپ, كارانتيندٸك ستاتسيونارعا جاتقىزىلدى.
