QR Tsifrlyq damý, innovatsiialar jáne aeroǵarysh ónerkásibi ministrligi men «Ulttyq aqparattyq tehnologiialar» AQ QR Densaýlyq saqtaý ministrligimen birlesip, koronavirýs boiynsha jaǵdaidy monitoringilep otyratyn servisti iske qosty, dep habarlaidy "Ult aqparat" coronavirus2020.kz resýrsyna silteme jasap.
Azamattar www.egov.kz portalynda ornalastyrylǵan interaktivti kartadan virýs juqtyrǵandar sany jáne olarmen bailanysta bolǵan azamattardy tirkeý, azamat úide nemese statsionarlyq karantinde bolýy múmkin qaýipti aimaqtar týraly aqparatpen tanysa alady. Sondai-aq, koronavirýsty juqtyrýdyń rastalǵan jaǵdailary boiynsha ózekti aqparat jariialanady.
Bul servis koronavirýs indetimen kúresip jatqan ózge elderdiń (Qytai, Singapýr, Koreia, Izrail) úlgisinde jasaldy jáne halyqtyń jaýapkershiligin arttyrýǵa, gigiena sharalaryn kúsheitýge, karantin rejimin saqtaýǵa baǵyttalǵan.
QR Densaýlyq saqtaý ministrligi infektsiianyń taralýyna jol bermeý jáne aldyn alý úshin azamattarǵa qala ishinde júrip-turýdy shekteýdi jáne karantin kezinde úide otyrýdy usynady.
Kartada ornalastyrylǵan barlyq derekter Qazaqstan Respýblikasy Densaýlyq saqtaý ministrliginiń aqparattyq júielerinen naqty ýaqyt rejiminde alynady.
Jaqyn arada osyndai servistiń eGovMobile mobildik qosymshasynda paida bolady. Sondai-aq, eGov portalynda interaktivti kartamen birge koronavirýs boiynsha jii qoiylatyn suraqtar men jaýaptar bazasy ornalasqan.
