قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ مەن «ۇلتتىق اقپاراتتىق تەحنولوگييالار» اق قر دەنساۋلىق ساقتاۋ مينيسترلٸگٸمەن بٸرلەسٸپ, كوروناۆيرۋس بويىنشا جاعدايدى مونيتورينگٸلەپ وتىراتىن سەرۆيستٸ ٸسكە قوستى, دەپ حابارلايدى "ۇلت اقپارات" coronavirus2020.kz رەسۋرسىنا سٸلتەمە جاساپ.
ازاماتتار www.egov.kz پورتالىندا ورنالاستىرىلعان ينتەراكتيۆتٸ كارتادان ۆيرۋس جۇقتىرعاندار سانى جەنە ولارمەن بايلانىستا بولعان ازاماتتاردى تٸركەۋ, ازامات ٷيدە نەمەسە ستاتسيونارلىق كارانتيندە بولۋى مٷمكٸن قاۋٸپتٸ ايماقتار تۋرالى اقپاراتپەن تانىسا الادى. سونداي-اق, كوروناۆيرۋستى جۇقتىرۋدىڭ راستالعان جاعدايلارى بويىنشا ٶزەكتٸ اقپارات جارييالانادى.
بۇل سەرۆيس كوروناۆيرۋس ٸندەتٸمەن كٷرەسٸپ جاتقان ٶزگە ەلدەردٸڭ (قىتاي, سينگاپۋر, كورەيا, يزرايل) ٷلگٸسٸندە جاسالدى جەنە حالىقتىڭ جاۋاپكەرشٸلٸگٸن ارتتىرۋعا, گيگيەنا شارالارىن كٷشەيتۋگە, كارانتين رەجيمٸن ساقتاۋعا باعىتتالعان.
قر دەنساۋلىق ساقتاۋ مينيسترلٸگٸ ينفەكتسييانىڭ تارالۋىنا جول بەرمەۋ جەنە الدىن الۋ ٷشٸن ازاماتتارعا قالا ٸشٸندە جٷرٸپ-تۇرۋدى شەكتەۋدٸ جەنە كارانتين كەزٸندە ٷيدە وتىرۋدى ۇسىنادى.
كارتادا ورنالاستىرىلعان بارلىق دەرەكتەر قازاقستان رەسپۋبليكاسى دەنساۋلىق ساقتاۋ مينيسترلٸگٸنٸڭ اقپاراتتىق جٷيەلەرٸنەن ناقتى ۋاقىت رەجيمٸندە الىنادى.
جاقىن ارادا وسىنداي سەرۆيستٸڭ eGovMobile موبيلدٸك قوسىمشاسىندا پايدا بولادى. سونداي-اق, eGov پورتالىندا ينتەراكتيۆتٸ كارتامەن بٸرگە كوروناۆيرۋس بويىنشا جيٸ قويىلاتىن سۇراقتار مەن جاۋاپتار بازاسى ورنالاسقان.
