Qytaidyń Ýhan qalasynda (Hýbei provintsiiasy) taraǵan koronavirýs aýrýyna bailanysty Hanchjoýda josparlanǵan jabyq keshendegi IX Aziia chempionaty ótpeitin boldy, dep habarlaidy QR Ulttyq olimpiadalyq komiteti.
Esterińizde bolsa, qurlyqtyq birinshilik 12-13 aqpan kúnderi Qytaidyń Hanchjoý qalasynda ótýi tiis bolǵan.
Alaida, Qazaqstan jeńil atletika federatsiiasynyń baspasóz qyzmetine jarystyń ótpeitindigi týraly Aziia jeńil atletika qaýymdastyǵynan hat kelgen. Onda jarystyń bolmaityny týraly aitylǵan. Basqarma prezidenti Dahlan al-Hamad qurlyqtyq qaýymdastyq atynan virýstyń taralýyna alańdaýly ekenin jetkizgen.
Aita keteiik, osyǵan deiin Ýhanda 3-14 aqpan aralyǵynda ótetin 2020 jylǵy Tokio Olimpiadasyna Aziia/Tynyq muhity elderiniń boksshylaryn irikteýdi keiinge qaldyrý sheshimi qabyldanǵan bolatyn. Keiinnen bul atalǵan irikteý týrnirdi Halyqaralyq Olimpiada komitetiniń jumys toby 3-11 naýryz aralyǵynda Iordaniianyń Amman qalasynda ótkizetin bolyp sheshti.
