قىتايدىڭ ۋحان قالاسىندا (حۋبەي پروۆينتسيياسى) تاراعان كوروناۆيرۋس اۋرۋىنا بايلانىستى حانچجوۋدا جوسپارلانعان جابىق كەشەندەگٸ IX ازييا چەمپيوناتى ٶتپەيتٸن بولدى, دەپ حابارلايدى قر ۇلتتىق وليمپيادالىق كوميتەتٸ.
ەستەرٸڭٸزدە بولسا, قۇرلىقتىق بٸرٸنشٸلٸك 12-13 اقپان كٷندەرٸ قىتايدىڭ حانچجوۋ قالاسىندا ٶتۋٸ تيٸس بولعان.
الايدا, قازاقستان جەڭٸل اتلەتيكا فەدەراتسيياسىنىڭ باسپاسٶز قىزمەتٸنە جارىستىڭ ٶتپەيتٸندٸگٸ تۋرالى ازييا جەڭٸل اتلەتيكا قاۋىمداستىعىنان حات كەلگەن. وندا جارىستىڭ بولمايتىنى تۋرالى ايتىلعان. باسقارما پرەزيدەنتٸ داحلان ال-حاماد قۇرلىقتىق قاۋىمداستىق اتىنان ۆيرۋستىڭ تارالۋىنا الاڭداۋلى ەكەنٸن جەتكٸزگەن.
ايتا كەتەيٸك, وسىعان دەيٸن ۋحاندا 3-14 اقپان ارالىعىندا ٶتەتٸن 2020 جىلعى توكيو وليمپياداسىنا ازييا/تىنىق مۇحيتى ەلدەرٸنٸڭ بوكسشىلارىن ٸرٸكتەۋدٸ كەيٸنگە قالدىرۋ شەشٸمٸ قابىلدانعان بولاتىن. كەيٸننەن بۇل اتالعان ٸرٸكتەۋ تۋرنيردٸ حالىقارالىق وليمپيادا كوميتەتٸنٸڭ جۇمىس توبى 3-11 ناۋرىز ارالىعىندا يوردانييانىڭ اممان قالاسىندا ٶتكٸزەتٸن بولىپ شەشتٸ.
