Ulybritaniianyń premer-ministri Boris Djonson koronavirýsqa bailanysty jańa shekteý sharalaryn jariialai otyryp, Ulybritaniianyń «jańa qaýipti kezeńge» jetkenin aitty. Ol alty aiǵa sozylýy múmkin, dep habarlaidy "Ult aqparat" VVS-ge silteme jasap.
Jańa ereje boiynsha dúken qyzmetkeri betke arnalǵan maska taǵýǵa mindetti, al toiǵa 15 adamnan artyq qatysýǵa bolmaidy.
Jiyn men maska taǵýǵa qatysty erejeni buzǵany úshin salynatyn aiyppul kólemi birinshi retke 200 fýnt sterlingke deiin kóbeiedi.
Sonymen qatar ol qajet bolǵan jaǵdaida budan da qatań shekteý engizilýi múmkin ekenin eskertti.
Boris Djonsonnyń aitýynsha, seisenbi kúni Shotlandiia, Ýels jáne Soltústik Irlandiia kóshbasshylarymen kezdeskennen keiin osyǵan uqsas sharalar Ulybritaniianyń barlyq aimaǵynda qabyldanady.
