Atyraý oblysynyń Teńiz kenishindegi infektsiialyq statsionarda koronavirýs juqtyrǵan 86 naýqas emdelip jatyr, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte Atyraýda koronavirýs infektsiiasyn 25 adamnyń juqtyrǵany anyqtalǵan.
«Qaýipti indetke shaldyqqan naýqastardyń 8-i Atyraý qalasynda tirkelgen. Sondai-aq, Teńiz kenishinde 16 jumysshynyń, Inder aýdanynda bir adamnyń Sovid-19 infektsiiasyn juqtyrǵany rastaldy. Naýqastardyń beseýinde koronavirýs belgisi simptomdy túrde ótip jatyr» -dep habarlady basqarmanyń baspasóz qyzmeti.
Ótken táýlikte úi jaǵdaiynda em alǵan 4 adam koronavirýs infektsiiasynan jazylyp shyqqan. Qazir 120 adam úi jaǵdaiynda emdelýde. Al, oblystyq infektsiialyq statsionarda 34 naýqas, aýdandardaǵy infektsiialyq statsionarlarda 7, Teńiz kenishiniń infektsiialyq statsionarynda 86 adam em qabyldap jatyr.
