Qazaqstandaǵy dári-dármektiń biryńǵai distribiýtory «SQ-Farmatsiia» koronavirýs naýqastaryna tegin beriletin dáriler tizimin aityp berdi, dep habarlaidy QazAqparat.
«Meditsinalyq uiymdarda naýqastardyń sany kóbeiip, emhanalarda COVID-19 degen jańa nozologiia engizilgen. Iaǵni, osy nozologiia boiynsha emhanalarda COVID-19 diagnozy qoiylǵan jaǵdaida, ýchaskelik dárigerińiz 5 túrli dárini tegin berýi kerek. Munda PTR anyqtama talap etilmeidi. Onyń ishinde ystyq túsiretin 2 dári – Ibýprofen men Paratsetamol jáne qan suiyltatyn 3 antikoagýliant beredi. Tegin dári-dármekpen qamtamasyz etý máseleleri týyndasa, 1439 qysqa nómirine habarlasyp, shaǵymdanýǵa bolady. Bul rette koronavirýsqa qarsy dári-dármektiń 48 paiyzy Qazaqstanda shyǵarylatynyn atap ótken jón», - dep túsindirdi «SQ-Farmatsiia» kompaniiasynyń baspasóz hatshysy Áigerim Smailova elordalyq logistikalyq habta ótken monitoring barysynda.
Sonymen birge, «SQ-Farmatsiia» JShS ambýlatoriialyq dárimen qamtamasyz etý júiesinde koronavirýstan bólek, 136 aýrý túrleri boiynsha dári-dármek jetkizedi.
Aita keteiik, «Astana – adaldyq alańy» jobasy aiasynda Nur-Sultan qalasyndaǵy sybailas jemqorlyqqa qarsy qyzmet dárilik zattar men meditsinalyq buiymdar saqtalatyn «SQ-Farmatsiia» logistikalyq habyna monitoring júrgizdi.
