قازاقستانداعى دەرٸ-دەرمەكتٸڭ بٸرىڭعاي ديستريبيۋتورى «سق-فارماتسييا» كوروناۆيرۋس ناۋقاستارىنا تەگٸن بەرٸلەتٸن دەرٸلەر تٸزٸمٸن ايتىپ بەردٸ, دەپ حابارلايدى قازاقپارات.
«مەديتسينالىق ۇيىمداردا ناۋقاستاردىڭ سانى كٶبەيٸپ, ەمحانالاردا COVID-19 دەگەن جاڭا نوزولوگييا ەنگٸزٸلگەن. ياعني, وسى نوزولوگييا بويىنشا ەمحانالاردا COVID-19 دياگنوزى قويىلعان جاعدايدا, ۋچاسكەلٸك دەرٸگەرٸڭٸز 5 تٷرلٸ دەرٸنٸ تەگٸن بەرۋٸ كەرەك. مۇندا پتر انىقتاما تالاپ ەتٸلمەيدٸ. ونىڭ ٸشٸندە ىستىق تٷسٸرەتٸن 2 دەرٸ – يبۋپروفەن مەن پاراتسەتامول جەنە قان سۇيىلتاتىن 3 انتيكواگۋليانت بەرەدٸ. تەگٸن دەرٸ-دەرمەكپەن قامتاماسىز ەتۋ مەسەلەلەرٸ تۋىنداسا, 1439 قىسقا نٶمٸرٸنە حابارلاسىپ, شاعىمدانۋعا بولادى. بۇل رەتتە كوروناۆيرۋسقا قارسى دەرٸ-دەرمەكتٸڭ 48 پايىزى قازاقستاندا شىعارىلاتىنىن اتاپ ٶتكەن جٶن», - دەپ تٷسٸندٸردٸ «سق-فارماتسييا» كومپانيياسىنىڭ باسپاسٶز حاتشىسى ەيگەرٸم سمايلوۆا ەلوردالىق لوگيستيكالىق حابتا ٶتكەن مونيتورينگ بارىسىندا.
سونىمەن بٸرگە, «سق-فارماتسييا» جشس امبۋلاتورييالىق دەرٸمەن قامتاماسىز ەتۋ جٷيەسٸندە كوروناۆيرۋستان بٶلەك, 136 اۋرۋ تٷرلەرٸ بويىنشا دەرٸ-دەرمەك جەتكٸزەدٸ.
ايتا كەتەيٸك, «استانا – ادالدىق الاڭى» جوباسى اياسىندا نۇر-سۇلتان قالاسىنداعى سىبايلاس جەمقورلىققا قارسى قىزمەت دەرٸلٸك زاتتار مەن مەديتسينالىق بۇيىمدار ساقتالاتىن «سق-فارماتسييا» لوگيستيكالىق حابىنا مونيتورينگ جٷرگٸزدٸ.
