Koronavirýstyń órshýine bailanysty «qyzyl» jáne «sary» aimaqqa kirgen óńirler belgili boldy. Olardy búgin QR Densaýlyq saqtaý vitse-ministri - Bas memlekettik sanitariialyq dáriger Erlan Qiiasov atady, dep habarlaidy "Ult aqparat".
«Qazirgi ýaqytta «qyzyl aimaqqa» Shyǵys Qazaqstan, Pavlodar, Batys Qazaqstan jáne Qostanai oblysy kirip otyr. Al «sary aimaqqa» Aqmola oblysy men Nur-Sultan qalasy kiredi. Qalǵan óńirler «jasyl aimaqqa» jatady», - dedi ol Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Buǵan deiin, sońǵy 2 aptada elimizdiń barlyq óńirinde COVID-pen syrqattanýdyń kúrt ósýi baiqalyp otyrǵanyn habarlaǵan edik.
Naqty aitqanda, aýrý juqtyrýdyń 45 paiyzy Shyǵys Qazaqstan oblysynda tirkeldi. Qostanai oblysynda 4 esege ósse, Batys Qazaqstan oblysynda 3,2 esege artty. Al Pavlodar óńirinde 2,7 esege aitarlyqtai ósim baiqalýda.
