كوروناۆيرۋستىڭ ٶرشۋٸنە بايلانىستى «قىزىل» جەنە «سارى» ايماققا كٸرگەن ٶڭٸرلەر بەلگٸلٸ بولدى. ولاردى بٷگٸن قر دەنساۋلىق ساقتاۋ ۆيتسە-مينيسترٸ - باس مەملەكەتتٸك سانيتارييالىق دەرٸگەر ەرلان قيياسوۆ اتادى, دەپ حابارلايدى "ۇلت اقپارات".
«قازٸرگٸ ۋاقىتتا «قىزىل ايماققا» شىعىس قازاقستان, پاۆلودار, باتىس قازاقستان جەنە قوستاناي وبلىسى كٸرٸپ وتىر. ال «سارى ايماققا» اقمولا وبلىسى مەن نۇر-سۇلتان قالاسى كٸرەدٸ. قالعان ٶڭٸرلەر «جاسىل ايماققا» جاتادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸنٸڭ ساۋالىنا وراي.
بۇعان دەيٸن, سوڭعى 2 اپتادا ەلٸمٸزدٸڭ بارلىق ٶڭٸرٸندە COVID-پەن سىرقاتتانۋدىڭ كٷرت ٶسۋٸ بايقالىپ وتىرعانىن حابارلاعان ەدٸك.
ناقتى ايتقاندا, اۋرۋ جۇقتىرۋدىڭ 45 پايىزى شىعىس قازاقستان وبلىسىندا تٸركەلدٸ. قوستاناي وبلىسىندا 4 ەسەگە ٶسسە, باتىس قازاقستان وبلىسىندا 3,2 ەسەگە ارتتى. ال پاۆلودار ٶڭٸرٸندە 2,7 ەسەگە ايتارلىقتاي ٶسٸم بايقالۋدا.
