4 aqpan kúni Qazaqstan aýmaǵyna Germaniia, Maldiv, BAÁ, Mysyr, Túrkiia, Resei, Qyrǵyzstan jáne Ózbekstan elderinen 20 halyqaralyq áýe reisi ushyp keldi, dep habarlaidy QR Densaýlyq saqtaý ministrligi Sanitariialyq-epidemiologiialyq baqylaý komiteti.
Ótken bir táýlikte elimizge barlyǵy 2 055 jolaýshy ushyp keldi. Olardyń 1 806-synda koronavirýsqa PTR-testileýdiń teris nátijesi bar anyqtama bolǵan. Qalǵan 249-ynda anyqtama bolmaǵan, barlyǵy da – QR azamattary.
Atap aitqanda:
- Almaty qalasynyń áýejaiyna – 12 reis, 1 149 jolaýshy, anyqtamamen - 1 043, anyqtamasyz - 106;
- Nur-Sultan qalasynyń áýejaiyna – 7 reis, 811 jolaýshy, anyqtamamen - 668; anyqtamasyz - 143;
- Atyraý qalasynyń áýejaiyna – 1 reis, barlyq 95 jolaýshy anyqtamamen kelgen.
«Anyqtama bolmaǵan Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - dedi ministrlikten.
Sondai-aq aqparatqa sáikes, 3 aqpanda shetelden anyqtamasyz kelgen Qazaqstan azamattarynyń PTR-taldaý nátijeleri daiyn bolǵan - barlyq 247 jolaýshyda koronavirýs infektsiiasy anyqtalǵan joq.
Eske salaiyq, 4 aqpanda 247 qazaqstandyq shetelden PTR-anyqtamasyz ushyp kelgen bolatyn.
