Shyǵys Qazaqstan oblysy Zaisan qalasynyń turǵyny COVID-19 virýsy jaily shyndyqqa janaspaityn málimet taratqan, - dep habarlaidy ShQO Politsiia departamentiniń baspasóz qyzmeti.
Zaisan qalasynda 60 jastaǵy áiel WatsApp messendjeri arqyly óziniń juqpaly dertke shaldyqqany jaily jalǵan habarlamalar jazǵan.
«Osylaisha ol dúrbeleń týǵyzyp, halyq arasynda daqpyrt sózderdiń taralýyna túrtki boldy. Zeinetkerge qatysty QR Ákimshilik quqyq buzýshylyq týraly kodekstiń 478-baby 1-bóligimen 40 AEK (1 sáýirden bastap 1 AEK – 2778 teńge) mólsherinde aiyppul salyndy. Budan bólek, tártip saqshylary reid barysynda tótenshe jaǵdai kezindegi jumys ýaqytyna qatysty shekteýlerdi saqtamaǵan kásipkerdi anyqtady. 52 jastaǵy dámhana iesi 10 AEK kóleminde aiyppul tóleýge mindetteldi», - dep habarlady ShQO Politsiia departamentiniń baspasóz qyzmetinen.
Esterińizge sala ketsek, Memleket basshysy Qasym-Jomart Toqaev halyqqa joldaǵan úndeýinde el arasynda jalǵan aqparat taratyp, dúrbeleń týǵyzatyndar zańǵa sáikes jaýapqa tartylatynyn aitqan bolatyn.
