Qazaqstan Úkimeti álemdik pandemiiaǵa bailanysty elden shyǵyp úlgermegen sheteldik azamattarǵa elde turý merzimin uzartty.
Bul týraly QR Ishki ister ministrliginiń resmi ókili Nurdildá Oraz aitty, dep habarlaidy "Ult aqparat".
«Qazaqstan Úkimeti álemdik pandemiiaǵa bailanysty elden shyǵyp úlgermegen sheteldik azamattarǵa ruqsat merzimin 1 qarashaǵa deiin sozý týraly sheshim qabyldady. 2020 jyldyń 16 naýryzy men 1 qarashasy aralyǵynda merzimi ótip ketken qujattar ǵana qabyldanady. Sonymen birge, elimizge vizasyz kelip, qaita eline oralyp úlgermegen sheteldikter úshin 1 qarashaǵa deiin turýǵa ruqsat beriledi. Eń mańyzdysy – 1 qarashaǵa deiin elde qalý merzimin buzyp, kete almai qalǵany úshin sheteldikterdi jáne olardy qarsy alǵan azamattar da ákimshilik jaýapkershilikke tartylmaidy, - dedi Nurdildá Oraz.
