Saýd Arabiiasy koronavirýstyń taralýyna bailanysty umra qajylyǵyna keletinderdiń elge kirýine tyiym saldy, dep habarlaidy Arab News.
Sheteldik qajylar elge jyl saiyn Mekkege barar aldynda nemese odan keiin Medinadaǵy Paiǵambar meshitine keledi.
Bul beisenbi kúni tańerteń jariialanǵan birqatar saqtyq sharalarynyń biri. Koroldiktiń Densaýlyq saqtaý organdary virýstyń taralyp ketpeýin muqiiat baqylaýǵa aldy. Koronavirýstyń taralý qaýpi joǵary delingen elderdiń týrist vizasyn alǵan azamattaryna da elge kirýge tyiym salǵan.
Elge kirý beketterinde densaýlyq saqtaý organdary Saýd Arabiiasyna kelmes buryn qai elderge baryp-qaitqanyn shekkenin tekseredi.
Saýd Arabiiasy sheneýnikteri elge kelýge shekteý ýaqytsha ekenin jáne densaýlyq saqtaý organdary osy sheshimdi keiin qaita qaraitynyn atap ótti. Olar virýstyń taralýyn boldyrmaýǵa baǵyttalǵan halyqaralyq sharalardy Koroldiktiń qoldaitynyn jáne júzege asyratynyn málimdedi, al Syrtqy ister ministrligi azamattaryn koronavirýspen aýyratyn elderge barmaýǵa shaqyrdy.
Aita ketý kerek, jyl saiyn 7 millionǵa jýyq adam umra qajylyǵyna barý úshin Koroldikke keledi. Olardyń kópshiligi Jidda men Medina áýejailarynda bolady.
Buǵan deiin Bahrein men Kýveitte koronavirýs juqtyrǵandardyń arasynda jeti arab azamaty bar ekeni habarlanǵan bolatyn. Bahrein Densaýlyq saqtaý ministrligi sársenbide alty arab áieliniń virýsqa tekserilgen testi oń nátije kórsetti dep málimdedi.
