Pandemiia saldarynan salyq túsimderi boiynsha 1,1 trln teńge kem jinalýy múmkin. Bul týraly Ortalyq kommýnikatsiialar qyzmetinde QR QM Memlekettik kirister komitetiniń tóraǵasy Marat Sultanǵaziev málim etti, dep habarlaidy "Ult aqparat".
Baspasóz máslihatynda koronavirýs indetiniń memlekettik qazynanyń salyq túsimderine áseri jaiynda suraldy.
«9 aida shamamen 1 trln 100 mlrd teńge qarjy joǵalttyq dep baǵaladyq. Sonymen qatar, mikro jáne shaǵyn bizneske jeńildikter, tólemdi keiinge shegerý jáne basqa da qoldaý túrleri 1,5 trln somasynda jasaldy», - dedi M. Sultanǵaziev.
Onyń sózine qaraǵanda, biylǵy 9 aida memlekettik biýdjettiń kiristeri jónindegi jospary 92 paiyzǵa, respýblikalyq biýdjet 82 paiyzǵa, jergilikti biýdjet 116 paiyzǵa oryndaldy. Respýblikalyq biýdjetke túsimderiniń tómendeýine pandemiiamen bailanysty syrtqy jáne ishki faktorlar áser etti. Dúniejúzilik banktiń derekteri boiynsha bazalyq boljamǵa sáikes, biyl álemdik jalpy ishki ónim 5,2 paiyzǵa qysqarady dep kútilýde.
«Qazaqstannyń kórsetkishterine toqtalsaq, úshinshi eldermen taýar ainalymy jyl basynan beri 13 paiyzǵa tómendedi», - dedi komitet basshysy.
