Koronavirýsqa qarsy reseilik vaktsinany barlyq synaqtan ótkennen keiin ǵana alýymyz múmkin. Bul týraly QR Úkimet basshysynyń orynbasary Roman Skliar aitty, dep habarlaidy "Ult aqparat".
«Biylǵy 24 tamyzda úkimettik delegatsiia quramynda tiisti aldyn ala kelisimge qol qoidyq. Oǵan sáikes, Resei Federatsiiasy Qazaqstanǵa alǵashqylardyń qatarynda vaktsinany satýǵa mindetti bolady. Alaida, bul sharalar synaqtyń úshinshi kezeńinen ótkennen keiin ǵana eskeriledi. Qazir synaqtyń eki kezeńi ótti», - dedi Skliar Úkimet úiindegi baspasóz máslihatynda.
Onyń sózine qaraǵanda, shamamen jeltoqsan aiyna qarai reseilik vaktsinanyń úshinshi synaq kezeńi aiaqtalýy múmkin.
«Osy tiisti synaqtardy ótkennen keiin ǵana ony satyp alý týraly sheshim qabyldanady», - dedi Úkimet basshysynyń orynbasary.
Osy oraida ol tamyz aiynyń sońynda bekitilgen kelisim barlyq synaqtar ótkennen keiin, vaktsinany alý múmkindigi qadamdaryn qamtyp otyrǵanyn aitty.
Budan buryn habarlanǵandai, Qazaqstan men Resei koronavirýsqa qarsy vaktsinany satyp alý turǵysynda talqylaý ótkizdi.
