كوروناۆيرۋسقا قارسى رەسەيلٸك ۆاكتسينانى بارلىق سىناقتان ٶتكەننەن كەيٸن عانا الۋىمىز مٷمكٸن. بۇل تۋرالى قر ٷكٸمەت باسشىسىنىڭ ورىنباسارى رومان سكليار ايتتى, دەپ حابارلايدى "ۇلت اقپارات".
«بيىلعى 24 تامىزدا ٷكٸمەتتٸك دەلەگاتسييا قۇرامىندا تيٸستٸ الدىن الا كەلٸسٸمگە قول قويدىق. وعان سەيكەس, رەسەي فەدەراتسيياسى قازاقستانعا العاشقىلاردىڭ قاتارىندا ۆاكتسينانى ساتۋعا مٸندەتتٸ بولادى. الايدا, بۇل شارالار سىناقتىڭ ٷشٸنشٸ كەزەڭٸنەن ٶتكەننەن كەيٸن عانا ەسكەرٸلەدٸ. قازٸر سىناقتىڭ ەكٸ كەزەڭٸ ٶتتٸ», - دەدٸ سكليار ٷكٸمەت ٷيٸندەگٸ باسپاسٶز مەسليحاتىندا.
ونىڭ سٶزٸنە قاراعاندا, شامامەن جەلتوقسان ايىنا قاراي رەسەيلٸك ۆاكتسينانىڭ ٷشٸنشٸ سىناق كەزەڭٸ اياقتالۋى مٷمكٸن.
«وسى تيٸستٸ سىناقتاردى ٶتكەننەن كەيٸن عانا ونى ساتىپ الۋ تۋرالى شەشٸم قابىلدانادى», - دەدٸ ٷكٸمەت باسشىسىنىڭ ورىنباسارى.
وسى ورايدا ول تامىز ايىنىڭ سوڭىندا بەكٸتٸلگەن كەلٸسٸم بارلىق سىناقتار ٶتكەننەن كەيٸن, ۆاكتسينانى الۋ مٷمكٸندٸگٸ قادامدارىن قامتىپ وتىرعانىن ايتتى.
بۇدان بۇرىن حابارلانعانداي, قازاقستان مەن رەسەي كوروناۆيرۋسقا قارسى ۆاكتسينانى ساتىپ الۋ تۇرعىسىندا تالقىلاۋ ٶتكٸزدٸ.
