19 qarashada Qazaqstanda 158 adamnan koronavirýs pnevmoniiasy anyqtaldy, 55 adam jazyldy. Ótken táýlikte pnevmoniianyń bul túrinen 1 adam qaitys boldy.
Qazaqstan biligi 1 tamyzdan bastap koronavirýsqa uqsas pnevmoniiaǵa bólek kod berip, pnevmoniianyń sol túrine shaldyqqandardy bólek eseptep keledi. Sodan beri 40 848 adamnan koronavirýs pnevmoniiasy anyqtalǵan, 424 adam qaitys bolǵan, 29 869 adam jazylǵan.
Ótken táýlikte koronavirýs juqqany testpen dáleldengen naýqastar arasynda 6 adam ólimi tirkelgen. Naýryz aiynan beri 1970 adam koronavirýstan qaitys bolǵan. 29 869 adam jazylǵan.
Qazir 10 435 adam koronavirýstan emdelip jatyr, 481-i - bala. 3 088-i - aýrýhanada jatyr. 220 adamnyń jaǵdaiy - aýyr, 26 adamnyń jaǵdaiy - óte aýyr, 21 adam jasandy tynys alý apparatyna qosylǵan.
Elde koronavirýs statistikasyna kúmán keltiretinder de bar. Táýelsiz zertteý júrgizgen Sandj zertteý uiymy "elde úsh millionnan astam adamǵa virýs juqqan" dep sanaidy.
